Շրջակա միջավայրի նախարարությունը օգոստոսի 1-10-ը ուսումնասիրել է Երևան քաղաքի մթնոլորտային օդի որակը

Երևանում 2025-ի օգոստոսի առաջին տասնօրյակում փոշու քանակը գերազանցել է նորման 1.01-2.1 անգամ։

Շրջակա միջավայրի նախարարությունը օգոստոսի 1-10-ը ուսումնասիրել է Երևան քաղաքի մթնոլորտային օդի որակը և հրապարակել ուսումնասիրության արդյունքները:

Մթնոլորտային օդի որակի 5 ստացիոնար դիտակայանների տվյալների համաձայն՝ Երևան քաղաքի մթնոլորտային օդում 2025 թ․ օգոստոսի առաջին տասնօրյակի ընթացքում փոշու սահմանային թույլատրելի կոնցենտրացիան գերազանցվել է 1.01-2.1 անգամ.

  • Կենտրոն վարչական շրջանում` օգոստոսի 2-ին, 3-ին, 5-ին, 7-10-ը՝ 1.01-2.1 անգամ:
  • Արաբկիր վարչական շրջանում` օգոստոսի 4-ին, 7-10-ը՝ 1.01-1.9 անգամ:
  • Նոր Նորք վարչական շրջանում՝ օգոստոսի 8-10-ը՝ 1.1-1.5 անգամ:
  • Շենգավիթ վարչական շրջանում՝ օգոստոսի 8-ին՝ 1.4 անգամ:
Օգոստոսի առաջին տասնօրյակում փոշու ամենաբարձր կոնցենտրացիանները դիտվել են օգոստոսի 8-ին բոլոր դիտակայաններում՝ գերազանցելով սահմանային թույլատրելի կոնցենտրացիան 1.1-2.1 անգամ, ամենաբարձր կոնցենտրացիան դիտվել է Կենտրոն վարչական շրջանում (Լուսավորչի-Ագաթանգեղոսի խաչմերուկ)։
 
Ազոտի երկօքսիդի սահմանային թույլատրելի կոնցենտրացիան օգոստոսի առաջին տասնօրյակի ընթացքում գերազանցվել է 1․02-2․1 անգամ.

  • Կենտրոն վարչական շրջանում` օգոստոսի 1-ին, 2-ին, 4-10-ը՝ 1.1-2.1 անգամ:
  • Արաբկիր վարչական շրջանում` օգոստոսի 3-ին ՝ 1.02 անգամ:
  • Շենգավիթ վարչական շրջանում՝ օգոստոսի 1-ին, 3-ին, 4-ին՝ 1.2-1.3 անգամ:
  • Նոր Նորք վարչական շրջանում՝ օգոստոսի 1-ին, 3-ին, 5-8-ը, 10-ին՝ 1.03-1.3 անգամ:
Ազոտի երկօքսիդի ամենաբարձր կոնցենտրացիան դիտվել է Կենտրոն վարչական շրջանում (Լուսավորչի-Ագաթանգեղոսի խաչմերուկ) օգոստոսի 9-ին՝ գերազանցելով սահմանային թույլատրելի կոնցենտրացիան 2․1 անգամ։
 
Ծծմբի երկօքսիդի, գետնամերձ օզոնի քանակությունները 2025 թ. օգոստոսի առաջին տասնօրյակի ընթացքում Երևան քաղաքի մթնոլորտային օդում չեն գերազանցել համապատասխան ՍԹԿ-երը:

Նուբարաշենի աղբավայրի հարակից Նուբարաշեն վարչական շրջանում տեղադրված պասիվ նմուշառիչների տվյալների համաձայն՝ օգոստոսի 3-10-ը ընկած ժամանակահատվածում ազոտի երկօքսիդի սահմանային թույլատրելի կոնցենտրացիայից գերազանցումներ չեն դիտվել։ Ծծմբի երկօքսիդի կոնցենտրացիան գերազանցել է սահմանային թույլատրելի կոնցենտրացիան միայն մեկ դիտակետում՝ 1․2 անգամ։
 
Ազոտի երկօքսիդի սահմանային թույլատրելի կոնցենտրացիայից գերազանցումներ դիտվել են Կենտրոն (1.4-1.5 անգամ), Մալաթիա-Սեբաստիա (1.4-1.5 անգամ), Դավթաշեն (1.01-1.4 անգամ) վարչական շրջաններում։
 
Ծծմբի երկօքսիդի սահմանային թույլատրելի կոնցենտրացիայից գերազանցումներ դիտվել են Ավան (1.3-1.4 անգամ), Նոր Նորք (1.2 անգամ), Շենգավիթ (1.1-2.1 անգամ) վարչական շրջաններում։