ՍԱՏՄ ղեկավարը Ռոսսելխոզնադզորի ղեկավարի հետ քննարկել է ծաղիկների արտահանման հարցը

Կողմերը կարևորել են միասնական տեղեկատվական դաշտի ստեղծումը և ապրանքների տեղաշարժի թափանցիկությունը։

Հուլիսի 29-ին Россельхознадзор-ի ղեկավար Սերգեյ Դանկվերտը հանդիպել է Հայաստանի սննդամթերքի անվտանգության տեսչական մարմնի ղեկավար Տիգրան Պետրոսյանի հետ։ Քննարկվել են բուսասանիտարական պահանջների պահպանումը և բուսական արտադրանքի՝ մասնավորապես ծաղիկների ու մրգաբանջարեղենի՝ Ռուսաստան արտահանման հարցերը։

Հանդիպմանը մասնակցել է նաև ԵՏՀ նախարար Գոհար Բարսեղյանը։ Կողմերը փաստել են համագործակցության բարձր մակարդակը, ինչպես երկկողմ առևտրի շրջանակում, այնպես էլ ԵԱՏՄ հարթակում։

Ըստ «Аргус-Фито» համակարգի՝ 2025-ի հուլիսի 23-ի դրությամբ Հայաստանից Ռուսաստան արտահանվել է 103,4 հազար տոննա մրգաբանջարեղեն՝ նախորդ տարվա նույն ժամանակահատվածի համեմատ աճելով գրեթե 50%-ով։ Ծաղիկների մատակարարումը նույնպես աճել է՝ կազմելով 71,1 միլիոն հատ։

Տիգրան Պետրոսյանը վստահեցրել է, որ Հայաստանը պահպանելու է ԵԱՏՄ պահանջները։ Այժմ ռուսական շուկա ծաղկային արտադրանք մատակարարում են 14 հայ արտադրողներ։ Ջերմոցների համատեղ ստուգումները շարունակվում են։

Կողմերը կարևորել են միասնական տեղեկատվական դաշտի ստեղծումը և ապրանքների տեղաշարժի թափանցիկությունը։ Երկխոսության ավարտին կողմերը հաստատել են համագործակցությունը շարունակելու պատրաստակամությունը։

Աղբյուր՝ Россельхознадзор