ԵՄ-ն ներգրավված է ադրբեջանա-հայաստանյան կարգավորման գործում. Մագդալենա Գրոնո

Գրոնոն նշել է, որ այցելել է նաև Նախիջևան և ծանոթացել է տեղի տրանսպորտային ենթակառուցվածքներին՝ ԵՄ-ի հետ հնարավոր համագործակցության համար։

Եվրամիությունը կշարունակի սերտ գործընկերոջ դեր խաղալ Ադրբեջանի և Հայաստանի միջև հարաբերությունների լիակատար կարգավորման, ինչպես նաև տրանսպորտային և կապի ենթակառուցվածքների զարգացման հարցերում։ Այս մասին գրել է Հարավային Կովկասում ԵՄ հատուկ ներկայացուցիչ Մագդալենա Գրոնոն X սոցիալական ցանցի իր էջում։

«Ես շնորհակալ եմ ադրբեջանցի գործընկերներին Ադրբեջան կատարած այցի համար, որտեղ ես գլխավորել եմ ԵՄ պատվիրակությունը։ Ես ուղերձ եմ փոխանցել ԵՄ-ի պատրաստակամության մասին՝ ամրապնդելու աջակցությունը կարգավորման բոլոր ասպեկտներին, այդ թվում՝ տրանսպորտային հաղորդակցությունների զարգացմանը», - գրել է նա:

Գրոնոն նշել է, որ այցելել է նաև Նախիջևան և ծանոթացել է տեղի տրանսպորտային ենթակառուցվածքներին՝ ԵՄ-ի հետ հնարավոր համագործակցության համար։