Արարատի մարզում վերականգնվել է պետությանն ու համայնքին պատճառված վնասը

Հետբերման աշխատանքներն իրականացվել են համայնքի սեփականության իրավունքի վերականգնման նպատակով։

2025 թվականի առաջին կիսամյակում Արարատի մարզում վերականգնվել է պետությանը և համայնքին պատճառված շուրջ 175 միլիոն դրամի (մոտ 455 հազար ԱՄՆ դոլար) վնաս։ 

Դատախազության հաղորդմամբ՝ այս գումարը վերադարձվել է տարբեր գործերով, որոնց շրջանակում իրականացվել են պետական ու համայնքային շահերի պաշտպանության միջոցառումներ։

Մասնավորապես, դատախազի միջնորդագրի հիման վրա համայնքին է վերադարձվել 22.5 միլիոն դրամ արժողությամբ անշարժ գույք՝ Սուրենավան գյուղի Բարեկամության փողոց 23/3 հասցեում գտնվող մանկապարտեզի մասնաշենքն ու 0.15878 հա մակերեսով հողատարածքը։

Հետբերման աշխատանքներն իրականացվել են համայնքի սեփականության իրավունքի վերականգնման նպատակով։