Կենտրոնական բանկը միացել է գլոբալ ֆինանսական նորարարությունների ցանցին

Այս անդամակցությունը մեկ քայլ առաջ է՝ Հայաստանի ֆինանսական համակարգի թվային ու անվտանգ զարգացման ճանապարհին։

Հայաստանի Կենտրոնական բանկը միացել է Global Financial Innovation Network (GFIN) նախաձեռնությանը՝ նպատակ ունենալով ամրապնդել ֆինանսական կարգավորման կարողությունները և խթանել ոլորտում նորարարությունները միջազգային համագործակցության միջոցով։

GFIN-ը համագործակցային հարթակ է, որը միավորում է տարբեր երկրների ֆինանսական վերահսկիչ կառույցներին։ Այն նպաստում է նորարարական գիտելիքների փոխանակմանը, ավանդական և զարգացող տեխնոլոգիաների նկատմամբ վերահսկողական արդյունավետ մեթոդների ստեղծմանը, ինչպես նաև ֆինանսական ներառականությանն ու կայունությանը։

Կենտրոնական բանկի փոխանցմամբ՝ GFIN-ին միանալը ստեղծում է մի շարք ռազմավարական հնարավորություններ․

• Նորարարությունների խթանում՝ նվազագույն ռիսկով. ԿԲ-ն կմասնակցի «sandbox» նախագծերին՝ նոր ֆինանսական տեխնոլոգիաները փորձարկելով վերահսկվող միջավայրում։
• Մուտք միջազգային փորձին. ԿԲ մասնագետները կարող են օգտվել առաջատար երկրների կարգավորող փորձից՝ ադապտացնելով հաջողված մոդելները հայաստանյան շուկայի համար։
• Աշխարհագրական համակարգման հարթակ. GFIN-ը հնարավորություն է տալիս համակարգված մոտեցում ցուցաբերել միջազգային բնույթի խնդիրների լուծմանը։
• Ռիսկերին դիմակայելու կարողություն. ԿԲ-ն ձեռք կբերի գործիքակազմ՝ կիբեռսպառնալիքներին, տվյալների չարաշահումներին ու ֆինանսական խախտումներին կանխարգելիչ պատասխան տալու համար։
• Մասնագիտական կարողությունների զարգացում. Կենտրոնական բանկի աշխատակիցները կմասնակցեն միջազգային սեմինարների ու վերապատրաստումների՝ հատկապես SupTech-ի և նորարարական ֆինանսների ոլորտներում։

Այս անդամակցությունը մեկ քայլ առաջ է՝ Հայաստանի ֆինանսական համակարգի թվային ու անվտանգ զարգացման ճանապարհին։