ԱրարատԲանկի աջակցությամբ առաջիկա հանգստյան օրերին՝ հուլիսի 19-ին և 20-ին Դիանա Աբգարի անվան զբոսայգում (Seasons) տեղի է ունենալու Հայկական ազգային փառատոնը։ 

Արդեն երկրորդ անգամ անցկացվող Հայկական ազգային փառատոնի նպատակն է ներկայացնել հայկական մշակույթը, խոսել հայկական արմատների և արվեստի մասին։ Որպես միջոցառման թեմա ընտրված են հայոց արքայատոհմերը։ Այցելուները կծանոթանան հայոց պատմության առանձին դրվագներին, արքայատոհմերի ժամանակաշրջանների առանձնահատկություններին։ 

Փառատոնի շրջանակներում ԱրարատԲանկն ունենալու է առանձին տաղավար, որտեղ ցուցադրվելու է բանկի ֆինանսավորմամբ ստեղծված «Ոտքի կանգնելու կամքը» ֆիլմաշարը։ Փաստավավերագրական եռաշարքը ցուցադրվելու է հարմարավետ և համապատասխան նստատեղերով կահավորված տաղավարում, հուլիսի 19-ին՝ ժամը 20։00-23։00-ը, իսկ հուլիսի 20-ին՝ ժամը 16։00-19։00-ը, մուտքն ազատ է։ 

Միջոցառման շրջանակում այցելուներին սպասվում է նաև․  

- Ժամանակակից արվեստի ցուցադրություն,
- Գորգերի լվացման արարողություն՝ Հայկական գորգի ազգային կենտրոնի հետ,
- Տարազների Fashion Show՝ Տերյան մշակութային կենտրոնի մասնակցությամբ,
- Համերգային շոու ծրագիր,
- Հայկական խոհանոցի ներկայացում՝ ավանդական համերով և նոր մոտեցումներով,
- Հայ արտադրողների տաղավարներ:

Բացի այդ, փառատոնի ընթացքում անցկացվելու են նաև վարպետաց դասեր․ 

- Որդան կարմիրի պատրաստում,
- Ասեղնագործության տեխնիկա,
- Ժանյակագործության արվեստ,
- Խաչքարագործություն,
- Թղթի վերամշակում և ստեղծագործ մոտեցումներ:

ԱրարատԲանկը, Հայկական ազգային փառատոնի ֆինանսական գործընկերն է՝ կարևորելով մշակութային ժառանգության պահպանումը և փոխանցումը նոր սերնդին։ 

ԱրարատԲանկը վերահսկվում է ՀՀ կենտրոնական բանկի կողմից
 

*գովազդ