Tesla-ի վստահության անկումը Մասկի քաղաքական հայտարարություններից հետո

Գործադիր տնօրեն Իլոն Մասկը բացահայտ աջակցություն է հայտնել նախագահ Դոնալդ Թրամփին։

Tesla-ի նկատմամբ ԱՄՆ սպառողների հավատարմությունը կտրուկ նվազել է այն բանից հետո, երբ գործադիր տնօրեն Իլոն Մասկը բացահայտ աջակցություն է հայտնել նախագահ Դոնալդ Թրամփին։ S&P Global Mobility-ի տվյալներով, 2024թ․ հունիսին Tesla-ն ուներ հավատարմության ոլորտի ամենաբարձր ցուցանիշը՝ 73%։ Սակայն Թրամփին սատարելուց անմիջապես հետո այն նվազել է՝ հասնելով 49.9%-ի՝ ընդամենը մի քանի ամսում։

Չնայած 2025-ի մայիսին ցուցանիշը վերականգնվել է մինչև 57.4%, Tesla-ն արդեն զիջում է Chevrolet-ին ու Ford-ին՝ պահպանելով միայն Toyota-ի համեմատական մակարդակը։ Մասնագետների կարծիքով՝ անկման պատճառները ոչ միայն Մասկի քաղաքական ներգրավվածությունն են, այլև Tesla-ի մոդելների ծերացումը և մրցակցության կտրուկ աճը։ Ընկերության վաճառքները նվազել են թե՛ ԱՄՆ-ում, թե՛ Եվրոպայում։

Աղբյուր՝ Reuters