Պետական բյուջեի ծախսերը 2025թ․ հունվար-օգոստոսին կազմել են մոտ 1.9 տրիլիոն դրամ

ՀՀ վիճակագրական կոմիտեի հրապարակած տվյալների համաձայն 2025թ. հունվար-օգոստոսին ՀՀ պետական բյուջեի ծախսերը կազմել են 1,929,191.9 մլն դրամ։

2024 թ.-ին համադրելի ցուցանիշի համեմատ գրանցվել է 12.9% աճ։

Եթե խոսենք գործառական դասակարգման խմբերի ծախսերի մասին, ապա.

Ընդհանուր բնույթի հանրային ծառայությունների ոլորտում ծախսերը 2024թ.-ի համադրելի ցուցանիշի համեմատ աճել են 4.7%-ով և կազմել 413,913.9 մլն ՀՀ դրամ։

Պաշտպանության ոլորտի ծախսերը աճել են 40․5%-ով և կազմել 387,880.9 մլն ՀՀ դրամ։

Հասարակական կարգի, անվտանգության և դատական գործունեության ոլորտի ծախսերը աճել են 9.2%-ով և կազմել 143,983.7 մլն ՀՀ դրամ։

Տնտեսական հարաբերությունների ոլորտի ծախսերը նվազել են 1%-ով և կազմել 97,669.5 մլն ՀՀ դրամ։

Շրջակա միջավայրի պաշտպանության ոլորտի ծախսերը աճել են 66.8%-ով և կազմել 8,281.8 մլն ՀՀ դրամ։

Բնակարանային շինարարության և կոմունալ ծառայությունների ոլորտի ծախսերը նվազել են 40%-ով և կազմել 4,081.9 մլն ՀՀ դրամ։

Առողջապահության ոլորտի ծախսերը աճել են 17.3%-ով և կազմել 101,550.5 մլն ՀՀ դրամ։

Հանգստի, մշակույթի և կրոնի ոլորտի ծախսերը աճել են 4.3%-ով և կազմել 25,482.7 մլն ՀՀ դրամ։

Կրթության ոլորտի ծախսերը աճել են 36.6%-  ով և կազմել 172,990.4 մլն ՀՀ դրամ։

Սոցիալական պաշտպանության ոլորտի ծախսերը աճել են 2.9%-ով և կազմել 573,356.6 մլն ՀՀ դրամ։