1. Մեկնարկել է Ազգային ժողովի նոր նստաշրջանը
ԱԺ 9-րդ գումարման 2-րդ նստաշրջանը մեկնարկել է Հայաստանի օրհներգի կենդանի կատարմամբ:
Օրակարգ. Առաջին քառօրյա նիստում ընդգրկված է 6 հարց, այդ թվում՝ ԿԸՀ հաշվետվությունը, Տարածքային կառավարման և շրջակա միջավայրի պահպանության հարցերի հանձնաժողովի նախագահի ընտրությունը, վարչատարածքային բաժանման օրենսդրական փոփոխությունները, ԵԱՏՄ-Ինդոնեզիա ազատ առևտրի համաձայնագրի վավերացումը, Կառավարության կառուցվածքի փոփոխություններն ու ԱՊՀ շրջանակում միջազգային մատակարարումների պայմանագիրը:
Մեկ րոպե լռություն. «Ուժեղ Հայաստան» խմբակցության պատգամավոր Վաղինակ Վարդանյանի դիտողությունից հետո ԱԺ-ն մեկ րոպե լռությամբ հարգել է 2022թ. սեպտեմբերյան ադրբեջանական ագրեսիայի հետևանքով զոհվածների հիշատակը:
2. Թրամփը Զելենսկուն կոչ է արել չհարվածել ռուսական ՆՎԶ-ներին
Իռլանդիայում լրագրողների հետ զրույցում ԱՄՆ նախագահ Դոնալդ Թրամփը, անդրադառնալով ռուսական նավթավերամշակման գործարաններին Ուկրաինայի հասցրած հարվածներին, հայտնել է, որ խոսել է Վոլոդիմիր Զելենսկու հետ և կոչ արել դադարեցնել Ռուսաստանում դիզելի դեֆիցիտ ստեղծելը:
3. «Արարատցեմենտը» ռեկորդային արտադրություն է գրանցել
ՀՀ էկոնոմիկայի նախարար Գևորգ Պապոյանը հայտնել է, որ պետական կառավարման անցած «Արարատցեմենտ» գործարանն օգոստոսին արտադրել է 95,3 հազար տոննա ցեմենտ (16 հազար տոննայով ավելի, քան հուլիսին):
Շուկայի իրավիճակը. Ցեմենտի շուկայում առկա պակասուրդը պայմանավորված է հարևան երկրներից մատակարարումների խաթարումներով:
4. Տիգրան Ավինյան. «Սովետական փտած մոտեցումներն անընդունելի են»
Երևանի քաղաքապետարանի գործակարգավարական նիստում Տիգրան Ավինյանը նշել է, որ առողջապահական կենտրոնների ենթակառուցվածքները բարելավելուն զուգահեռ պետք է փոխվի նաև ընդհանուր միջավայրը՝ ընդգծելով, որ «մարդու նկատմամբ սովետական փտած մոտեցումներն անընդունելի են»:
5. Ապօրինի հանքարդյունահանման բացահայտում Լճաշենում
Ոստիկանությունը Լճաշենում բացահայտել է առանց հատուկ թույլտվության ապօրինի հանքարդյունահանման և շինարարության մեջ հանքային զանգվածի օգտագործման դեպք:
Գործի ընթացքը. Պետությանը և շրջակա միջավայրին պատճառվել է խոշոր վնաս: Նախաձեռնվել է քրեական վարույթ, ձերբակալվել է 3 անձ:
