Սեպտեմբերի 1-ի բիզնես լուրերը

Տեղական

Օվերչուկի հայտարարությունը Հայաստանի ընտրության մասին
ՌԴ փոխվարչապետ Ալեքսեյ Օվերչուկը նշել է, որ եթե Հայաստանը երբևէ որոշի ընտրություն կատարել ԵԱՏՄ-ից դուրս գալու և ԵՄ-ին անդամակցելու միջև, ապա պետք է կշռադատվեն բոլոր գործոնները։

Կացության կարգավիճակ օտարերկրացիների համար
2025-ի առաջին կիսամյակում Հայաստանում ժամանակավոր կացության կարգավիճակ է ստացել 1815, իսկ մշտական՝ 1775 օտարերկրացի։ Ամենաշատը՝ ՌԴ, Հնդկաստանի և Իրանի քաղաքացիները։

Մարդասիրական օգնություն Հայաստանին
Այս տարվա առաջին կիսամյակում Հայաստանն ստացել է ավելի քան 17 մլն դոլարի մարդասիրական օգնություն, ինչը 75%-ով պակաս է նախորդ տարվա համեմատ։

Միջազգային

Չինաստանի վարկային աջակցությունը ՇՀԿ-ին
Չինաստանը ՇՀԿ միջբանկային ասոցիացիայի անդամներին կտրամադրի 1,4 մլրդ դոլարի վարկ և 280 մլն դոլարի չվերադարձվող օգնություն։

ԵՄ-Ռուսաստան առևտրի անկում
2022-ից ի վեր ԵՄ-ի և Ռուսաստանի միջև առևտուրը կտրուկ նվազել է․ ԵՄ արտահանումը Ռուսաստան՝ 61%-ով, ներմուծումը՝ 89%-ով։

Թրամփի նախազգուշացումը մաքսատուրքերի մասին
ԱՄՆ նախագահ Դոնալդ Թրամփը հայտարարել է, որ մաքսատուրքերի չեղարկումը կարող է կործանարար լինել ԱՄՆ-ի համար։

Հետաքրքիր

Էլեկտրոնային հարթակ նպաստների համար
Սեպտեմբերի 1-ից գործարկվել է նոր հարթակ, որով ժամանակավոր անաշխատունակության և մայրության նպաստների հաշվարկը և վճարումը կիրականացվի ամբողջությամբ էլեկտրոնային եղանակով։