2025 թվականի յոթ ամսվա ընթացքում նավթագազային եկամուտները կրճատվել են 18,5%-ով:

Ռուսաստանի ֆինանսների նախարարության հրապարակած տվյալների համաձայն՝ 2025 թվականի հուլիսին երկրի նավթագազային եկամուտները կրճատվել են 27%-ով՝ կազմելով 787,3 միլիարդ ռուբլի։Նախորդ տարվա նույն ամսում այդ ցուցանիշը կազմել էր 1,079 տրիլիոն ռուբլի։

Ընդհանուր առմամբ՝ 2025 թվականի յոթ ամսվա ընթացքում նավթագազային եկամուտները կրճատվել են 18,5%-ով՝ հասնելով 5,522 տրիլիոն ռուբլու։ Միաժամանակ, հուլիսին նավթի և գազի կոնդենսատի արդյունահանման հարկերից բյուջե է մուտքագրվել 885,2 միլիարդ ռուբլի, ինչը 34% նվազ է նախորդ տարվա համեմատ։ Ֆինանսների նախարարությունը նաև նշել է, որ հունիսին նավթագազային եկամուտները կազմել են 494,8 միլիարդ ռուբլի՝ ամենացածրը 2023-ի հունվարից ի վեր։

Աղբյուրը՝ Газета.Ru