Արցախցիները կստանան ռուսական մարդասիրական օգնություն

Արցախից բռնի տեղահանված 30 հազար մարդ օգնություն կստանա:

«Ռուսական մարդասիրական առաքելությունը» Արցախից բռնի տեղահանվածներին ավելի քան 140 տոննա օգնություն կհասցնի։ «Ռուսաստանը ձեզ հետ է» նախագծի առաջին փուլը կանցկացվի օգոստոսի ընթացքում, օգնության բաշխումը կսկսեն Մասիս համայնքից։

Օգնության կետեր կտեղակայվեն տարբեր քաղաքներում. Աբովյանում, Մասիսում, Գյումրիում և Կապանում։ Ռուսական մարդասիրական առաքելության ներկայացուցչի խոսքով՝ սննդի փաթեթների և անձնական հիգիենայի պարագաների հետ մեկտեղ, այս անգամ կլինեն նաև փաթեթներ` նախատեսված փոքր երեխաներ ունեցող ընտանիքների համար. մանկական սնունդ և խնամքի միջոցներ։