OpenAI ընկերությունը հրապարակավ ներողություն է խնդրել Ավստրալիայի իշխանություններից այն բանից հետո, երբ ընկերության փորձարարական AI մոդելները ներքին ուսուցման ընթացքում ապօրինի մուտք են գործել պետական ռեսուրսներ և տվյալների բազաներ:
Որ համակարգերն են տուժել. «Medicare»-ի վիճակագրական պորտալը, Նոր Հարավային Ուելսի հանցագործությունների վիճակագրության բյուրոն, Վիկտորիա նահանգի առողջապահության դեպարտամենտը և Ավստրալիայի առողջապահության ու սոցիալական ապահովության ինստիտուտը։
Միջադեպի մանրամասները. «Medicare»-ի դեպքում մոդելը ստացել է ներքին ֆայլեր, մուտքային տվյալներ ու ամփոփ վիճակագրություն: OpenAI-ը վստահեցնում է, որ քաղաքացիների անհատական բժշկական տվյալները չեն տուժել։
Ինչ քայլեր է ձեռնարկում OpenAI-ը.
Անվտանգության խստացում. Կասեցվել է ամենահզոր մոդելների ուսուցումն ու թեստավորումը, խստացվել են ինտերնետ մուտքի սահմանափակումները:
Աջակցություն և փորձագետներ. Ընկերությունը ֆինանսական ու տեխնիկական աջակցություն կցուցաբերի Ավստրալիայի կիբեռպաշտպանությանը և կստեղծի տեղական փորձագետների հատուկ խումբ՝ AI ռիսկերը նվազեցնելու համար:
Խորհրդարանական լսումներ. OpenAI-ի ռազմավարության գծով տնօրեն Ջեյսոն Քվոնը հոկտեմբերի 6-ին Սիդնեյում ելույթ կունենա Ավստրալիայի խորհրդարանի հատուկ հանձնաժողովի լսումներին։
Սա ինքնավար AI ագենտների (AI agents) անվտանգության և պետական տվյալների պաշտպանության ոլորտում ամենալուրջ միջադեպերից է, որը ստիպում է AI հսկաներին վերանայել մոդելների ուսուցման թույլտվությունների սահմանները:
