Նոյեմբերի 13-ի բիզնես լուրերը

Տեղական

2025-ի սեպտեմբերի դրությամբ անշարժ գույքի առուվաճառքի գործարքների թիվը կազմել է 5,587։ Երևանում կատարվել է 2,195 գործարք, կամ ընդհանուրի 39.3%-ը։ Տվյալները ներկայացրել է Վիճակագրական կոմիտեն։

Ղազախստանից ներկրված ցորենը անցել է բուսասանիտարական, անվտանգության և որակական փորձաքննություններ։ Միջատաբանական, բուսաախտաբանական և մոլախոտաբանական ուսումնասիրություններով կարանտին վնասակար օրգանիզմներ չեն հայտնաբերվել։

Հայաստանը կարող է դառնալ Հնդկաստանի և Ասիայի միջև տնտեսական կամուրջ։ Այս մասին Հնդկաստան–Եվրոպա համաժողովում հայտարարել է էկոնոմիկայի նախարար Գևորգ Պապոյանը՝ ընդգծելով Հայաստանի լոգիստիկ, մշակութային և տնտեսական կապող դերի հնարավորությունը։

2026թ․ երկրորդ կիսամյակում քաղաքացիները կստանան բիոմետրիկ անձնագրեր և նոր նույնականացման քարտեր։ Այս մասին ԱԺ-ում հայտնել է ՆԳ նախարար Արփինե Սարգսյանը։

Մեկնարկել է ժամանակավոր անաշխատունակության և մայրության նպաստների վճարման հերթական փուլը։ Շարունակվում են տեխնիկական խնդիրների վերացման և էլեկտրոնային համակարգի կատարելագործման աշխատանքները։

Միջազգային

ԱՄՆ-ում պատմության ամենաերկար շաթդաունն ավարտվել է։ Թրամփը ստորագրել է Կոնգրեսի կողմից ընդունված ժամանակավոր բյուջեն, ինչի արդյունքում հազարավոր պետական աշխատակիցներ վերադառնում են աշխատանքի։

Google-ը առաջիկա 4 տարիների ընթացքում կարձագանքի Գերմանիայի տեխնոլոգիական պահանջներին՝ ներդնելով 5.5 միլիարդ եվրո։ Կկառուցվեն երկու նոր տվյալների կենտրոն Ֆրանկֆուրտում, ինչն ակնկալվում է՝ կստեղծի շուրջ 9,000 աշխատատեղ։

Ռուսաստանը ճանաչելու է միայն այն երկրների վարորդական իրավունքը, որտեղ ռուսերենը պաշտոնական լեզու է։ Մյուս երկրների քաղաքացիները պետք է քննություն հանձնեն ՌԴ-ում։

ԱՄՆ Ֆինանսների նախարարությունը պաշտոնապես դադարեցրել է մեկ ցենտանոց մետաղադրամների թողարկումը՝ շահութաբեր չլինելու պատճառով։ Մետաղադրամը շրջանառության մեջ է եղել ավելի քան 200 տարի։