Նոր լարվածություն ծովային առևտրում․ ԱՄՆ-ն և Չինաստանը սկսում են փոխադարձ նավահանգիստային տուրքեր
Հոկտեմբերի 14-ից սկսած՝ ԱՄՆ-ն և Չինաստանը փոխադարձ լրացուցիչ տուրքեր են սահմանում ծովային բեռնափոխադրումների վրա, ինչը բեռնափոխադրության գլոբալ համակարգը վերածում է նոր ռազմավարական ճակատի։ Պեկինը հայտարարել է, որ նոր տուրքերը կկիրառվեն ամերիկյան պատկանելիությամբ, շահագործմամբ կամ դրոշով գործող նավերի վրա, բացառությամբ՝ չինական նավաշինարաններում վերանորոգման եկող դատարկ նավերի։

ԱՄՆ-ի կողմից սահմանվող նոր տուրքերը հիմնականում ուղղված են Չինաստանի ծովային գերիշխանության նվազեցմանն ու սեփական նավաշինարարության խթանմանը։ Վերլուծաբանները նախազգուշացնում են, որ այս «տուրքային պատերազմը» կարող է խաթարել գլոբալ բեռնափոխադրումների ցանցերը և հանգեցնել մատակարարման շղթաների նոր թանկացումների։

Աղբյուր՝ Reuters