Դեկտեմբերի 5-ի կարևոր լուրերը

Ինչ է կատարվել Հայաստանում և աշխարհում

Բաքվում՝ հայ գերիների գործով նոր շինծու նիստ
Հայ գերիների և Արցախի նախկին ռազմաքաղաքական ղեկավարների վերաբերյալ Բաքվում անցկացվել է հերթական շինծու դատավարությունը․ փաստաբանները կրկին հանդես են եկել արդարացման «դատավճիռների» առաջարկով։ Հաջորդ «նիստը»՝ դեկտեմբերի 11-ին։

Տոնաշենի Սուրբ Փրկչի 17-րդ դարի վանքը վնասվել է
Կովկասյան ժառանգության պահպանության կազմակերպությունը հայտնում է՝ վանքի մետաղական տանիքը մասամբ ապամոնտաժվել է 2024–2025 թթ․ ընթացքում։ Հուշարձանը Ադրբեջանի պետական ցուցակում ընդգրկված չէ։

Անօրինական միգրացիայի կազմակերպման սխեմա բացահայտվեց
Քրեական ոստիկանությունը բացահայտել է ԱՄՆ վիզայի կեղծ համակարգմամբ զբաղվող անձանց։ Կազմակերպիչը՝ 56-ամյա մի տղամարդ, կեղծ փաստաթղթերով աջակցել է կնոջ դիմումներին՝ դիմացը պահանջելով հազարավոր դոլարներ։ Գործը հարուցվել է անօրինական միգրացիայի և կեղծիքների հոդվածներով։

Դատարանը քննում է Արշակ Սրբազանի կալանքի հարցը
Արշակ Սրբազանը կալանավորվել է թմրամիջոցների ապօրինի իրացման մեղադրանքով։ Նրա կալանքի հարցը քննվում է դատավոր Մասիս Մելքոնյանի նախագահությամբ։ Նույն դատավորն է կալանքի որոշումներ կայացրել Միքայել և Բագրատ Սրբազանների նկատմամբ։

Ալիևի նոր պահանջները՝ «մշակութային ժառանգության վերականգնում» Հայաստանում
Ադրբեջանի նախագահը հայտարարել է, թե Հայաստանը պետք է «վերականգնի ադրբեջանական մշակութային ժառանգությունը» և ապահովի «Արևմտյան Ադրբեջանի» ներկայացված անձանց վերադարձը՝ այն համարելով «մարդու հիմնարար իրավունք»։

Սեզոնային սուր շնչառական վարակների աճ՝ հատկապես երեխաների շրջանում
Մոտ 9000 մարդ է դիմել բուժօգնության․ հոսպիտալացվածների 90%-ը՝ մինչեւ 18 տարեկան։ Ամենաբարձր ցուցանիշները՝ Երևանում և մի շարք մարզերում։ Մասնագետները հորդորում են պատվաստվել և հիվանդ երեխաներին չուղարկել դպրոց/մանկապարտեզ։

Կարապետյանի կալանքի երկարաձգման դեմ բողոքները վարույթ են ընդունվել
Փաստաբան Արամ Վարդևանյանը հայտնել է, որ բողոքները կը քննվեն գրավոր ընթացակարգով։ Ակտի հրապարակումը սպասվում է դեկտեմբերի 11-ին։