Մասկը դարձել է առաջին մարդը, որի կարողությունը հասել է կես տրիլիոն դոլարի

Իլոն Մասկի կարողությունը հասել է աննախադեպ՝ 500 միլիարդ դոլարի, նրան դարձնելով պատմության առաջին մարդը, ով նման հարստություն ունի։ Այս մասին հաղորդում է Forbes հանդեսը։

Հարստության կտրուկ աճը կապված է Tesla-ի բաժնետոմսերի արժեքի բարձրացման հետ։ Մասկը ղեկավարում է մի շարք խոշոր ընկերություններ՝ Tesla, SpaceX, Neuralink, ինչպես նաև X սոցիալական ցանցը։

Forbes-ը նշում է, որ Մասկի ֆինանսական վերելքին նպաստել է նաև այն հանգամանքը, որ նա որոշել է հեռանալ ԱՄՆ կառավարության արդյունավետության վարչության ղեկավարի պաշտոնից՝ ամբողջությամբ կենտրոնանալով բիզնեսի վրա։

Ո՞վ է Մասկին հաջորդում

Մասկը այժմ առաջին տեղում է Forbes-ի միլիարդատերերի վարկանիշում, իսկ նրան հաջորդում են՝

• Լարի Էլիսոն (Oracle) – 351,6 մլրդ դոլար

• Մարկ Ցուկերբերգ (Meta) – 246,1 մլրդ դոլար

• Ջեֆ Բեզոս (Amazon) – 233,2 մլրդ դոլար

• Լարի Փեյջ (Google) – 204,6 մլրդ դոլար

Նշենք, որ Մասկը նաև նախորդ ռեկորդի հեղինակն էր՝ 2024-ի դեկտեմբերին դառնալով առաջին մարդը, ում կարողությունը գերազանցեց 400 մլրդ դոլարը։