Մարտի 5-ի բիզնես լուրերը

Ինչ է կատարվել Հայաստանի և միջազգային տնտեսական աշխարհում։

ՏԵՂԱԿԱՆ ԼՈՒՐԵՐ

Երկարաձգվել է «Մեղրիի սահմանային անցակետի» դրամաշնորհային համաձայնագրի ժամկետը

Երկարաձգվել է «Մեղրիի սահմանային անցակետի» կառուցման դրամաշնորհային համաձայնագրի ժամկետը։ Ծրագրի համար ներգրավվել են ՎԶԵԲ-ի 10.6 մլն եվրո վարկային միջոցներ և ԵՄ-ի 10.52 մլն եվրո դրամաշնորհ։ ՀՀ կառավարությունը համաֆինանսավորելու է շուրջ 2.1 մլն եվրո ԱԱՀ-ի ծախսերը։

Քաջարան–Ագարակ ճանապարհի կառուցման համար 88 հողամաս հանրային գերակա շահ են ճանաչվել

Քաջարան–Ագարակ մոտ 32 կմ ճանապարհահատվածի կառուցման համար Մեղրի համայնքի Տաշտուն, Լիճք և Մեղրի բնակավայրերում գտնվող 88 հողամաս ընդգրկվել են օտարման գոտում։ Օտարման գործընթացը պետք է սկսվի մինչև 2026 թվականի դեկտեմբերի 1-ը։

Ավելի քան 623 հազար քաղաքացու կենսաթոշակը կբարձրանա

623,353 քաղաքացու կենսաթոշակը կբարձրանա 10 հազար դրամով և ավելի, իսկ շուրջ 39,594 անձի կենսաթոշակը կավելանա մոտ 8500 դրամով։ Կբարձրանան նաև հաշմանդամություն ունեցող անձանց նպաստները՝ 10 հազար դրամով։

Միգրանտների 80%-ը դրական է գնահատում վերաբերմունքը Հայաստանում

Միգրացիայի միջազգային կազմակերպության ուսումնասիրության համաձայն՝ Հայաստանում հարցված միգրանտների 80%-ը դրական է գնահատում իրենց նկատմամբ վերաբերմունքը։ Միևնույն ժամանակ մոտ 40%-ը աշխատում է առանց գրավոր պայմանագրի կամ աշխատանքի թույլտվության։

Էլեկտրամոբիլների գույքահարկը կնվազի

Հայաստանում էլեկտրամոբիլների գույքահարկը կհաշվարկվի շարժիչի կայուն հզորության ցուցիչի հիման վրա։ Կարգավորումը վերաբերում է մոտ 20 հազար ֆիզիկական և շուրջ 4000 իրավաբանական անձանց։

ՄԻՋԱԶԳԱՅԻՆ ԼՈՒՐԵՐ

ԱՄՀ-ն զգուշացնում է համաշխարհային տնտեսության համար ռիսկերից

Արժույթի միջազգային հիմնադրամը հայտարարել է, որ Մերձավոր Արևելքի պատերազմը կարող է լուրջ փորձություն դառնալ համաշխարհային տնտեսության համար՝ ազդելով էներգակիրների գների, տնտեսական աճի և գնաճի վրա։

Իրանի շուրջ հակամարտության պատճառով չեղարկվել է 23 հազար չվերթ

Հակամարտության հետևանքով ավիաընկերությունները չեղարկել են շուրջ 23,000 չվերթ։ Միայն մեկ օրում բրիտանական ավիաընկերությունների բաժնետոմսերի արժեքը նվազել է ավելի քան 845 մլն ֆունտով։

Չինաստանը 44 մլրդ դոլար կներդնի պետական բանկերում

Չինաստանը նախատեսում է 44 մլրդ դոլար ներդնել պետական բանկերում՝ ֆինանսական համակարգը կայունացնելու և տեխնոլոգիական ընկերությունների ֆինանսավորումը մեծացնելու նպատակով։

ԵՄ-ում գազի և նավթի մատակարարումների ռիսկ չեն տեսնում

ԵՄ երկրների ներկայացուցիչները հայտարարում են, որ Իրանի շուրջ զարգացումների ֆոնին ներկայում գազի և նավթի մատակարարումների համար լուրջ ռիսկեր չեն դիտարկվում։ Գազապահեստարանների լցվածության մակարդակը շարունակում է մնալ կայուն։