Smurf-ը ստացել է յուրօրինակ տուփաձև դիզայն, որի գլխավոր առանձնահատկություններից են կլոր Forest Spirit Eye լուսարձակները։

Չինական Geely ավտոմոբիլային հոլդինգի ենթաբրենդ Livan Auto-ն ներկայացրել է իր նոր քաղաքային էլեկտրամեքենայի՝ Smurf-ի առաջին պատկերները։ Սա կոմպակտ դասի մոդել է՝ նախատեսված քաղաքային օգտագործման համար։

Smurf-ը ստացել է յուրօրինակ տուփաձև դիզայն, որի գլխավոր առանձնահատկություններից են կլոր Forest Spirit Eye լուսարձակները։ Դրանք, արծաթագույն բամպերի հետ համադրված, ստեղծում են ժպիտի էֆեկտ։ Լիցքավորման պորտը տեղակայված է մեքենայի առջևի կենտրոնում։

Մոդելը հասանելի կլինի մեկգույն և երկգույն կոմբինացիաներով, ինչպես նաև կունենա 14-դյույմանոց Vibrant Pinwheel անվահեծեր։

Սրահը ձևավորված է մինիմալիստական ոճով՝ կլորացված գծերով։ Առաջարկվում են երեք գունային տարբերակ․

• Sakura Pink,
• Castle Grey,
• Forest Green։

Չափեր և տեխնիկական տվյալներ

• Երկարություն – 3100 մմ
• Լայնություն – 1558 մմ
• Բարձրություն – 1610 մմ
• Քաշ – 815 կգ (ամբողջությամբ՝ 1125 կգ)

Մեքենան համալրված է 30 կՎտ (40 ձիաուժ) հզորությամբ էլեկտրաշարժիչով։ Առավելագույն արագությունը կազմում է 100 կմ/ժ։ Հիմնական սարքավորումներում ներառված է ABS համակարգ։

Նորույթը, ըստ կանխատեսումների, կստանա մոտ 17 կՎտժ LFP մարտկոց, որն ապահովելու է մինչև 200 կմ ընթացք մեկ լիցքավորմամբ։

Smurf-ը փաստացի համարվում է Geely Panda Mini EV-ի տարբերակ, որն այս տարվա հունվար-հուլիս ամիսներին վաճառվել է ավելի քան 101 հազար օրինակով։

Մոդելի նախնական գինը Չինաստանում կկազմի շուրջ 36 հազար յուան (մոտ 5000 դոլար)։ Սա այն դարձնում է մատչելի քաղաքային էլեկտրամեքենա՝ ուղղված զանգվածային շուկային։