Ֆրանսիայի միջուկային գաղտնիքների լայնամասշտաբ արտահոսք

Կիբերհանցագործությունների ոլորտի մասնագետ Կլեման Դոմիգոն հաստատել է, որ տվյալները հրապարակվել են բաց հասանելիությամբ։

Հաքերը հասանելիություն է ստացել ֆրանսիական Naval Group պաշտպանական նավաշինական ընկերության ներքին տվյալներին։ Այս մասին հայտնում է France3-ը։

Հաքերը, որը հանդես է գալիս Neferpitou կեղծանվամբ, համացանցում հրապարակել է 13 գիգաբայթ տեղեկատվություն, որը ներառում է նաև երկրի միջուկային գաղտնիքներ։

Բացի մյուս տեղեկություններից, հասանելի են դարձել մարտական համակարգերի սկզբնական կոդերը, որոնք օգտագործվում են ֆրանսիական ֆրեգատների և միջուկային սուզանավերի վրա, զենքերի համակարգերի ծրագրային ապահովումը, մոդելավորման միջավայրերը, ցանցերի սխեմաները և օգտագործողի ձեռնարկները։

Կիբերհանցագործությունների ոլորտի մասնագետ Կլեման Դոմիգոն հաստատել է, որ տվյալները հրապարակվել են բաց հասանելիությամբ։