Lamborghini-ն վաճառքի ռեկորդ է սահմանել

Ամենամեծ թվով սպորտային մեքենաներ վաճառվել են Եվրոպայի, Մերձավոր Արևելքի և Աֆրիկայի երկրները ներառող տարածաշրջանում:

Իտալական սպորտային մեքենաների արտադրող Lamborghini-ն տարվա առաջին կիսամյակում վաճառել է 5,681 մեքենա, ինչը բացարձակ ռեկորդ է այս հաշվետու ժամանակահատվածի համար: Տարեկան կտրվածքով վաճառքն աճել է 2%-ով:

Ամենամեծ թվով սպորտային մեքենաներ վաճառվել են Եվրոպայի, Մերձավոր Արևելքի և Աֆրիկայի երկրները ներառող տարածաշրջանում՝ 2,708 օրինակ։ Ամենահայտնի մոդելը շարունակում է մնալ Lamborghini Urus-ը, այդ մեքենայից վաճառվել է 3,913 օրինակ, ինչը 10,9%-ով ավելի է, քան նախորդ տարվա նույն ժամանակահատվածում։

Միևնույն ժամանակ, Lamborghini-ի եկամուտն առաջին վեց ամիսների ընթացքում մնացել է անփոփոխ՝ տարեկան կտրվածքով կազմելով 1,62 միլիարդ եվրո: Գործառնական շահույթը նվազել է 5,9%-ով՝ հասնելով 431 միլիոն եվրոյի: Արտադրողը դա բացատրում է «անբարենպաստ փոխարժեքներով»: Ընդհանուր առմամբ, ընկերությունը կիսամյակի արդյունքները համարում է «ուժեղ՝ չնայած համաշխարհային տնտեսական և քաղաքական անկայունությանը»: