Կրեմլում արձագանքել են Թրամփի՝ իր դեմ դավադրության մասին հայտարարությանը

Կրեմլում արձագանքել են Թրամփի՝ իր դեմ դավադրության մասին հայտարարությանը:

ՌԴ նախագահի օգնական Յուրի Ուշակովը հայտարարել է, որ Ռուսաստանի, Չինաստանի և Հյուսիսային Կորեայի առաջնորդներ Վլադիմիր Պուտինը, Սի Ծինփինը և Կիմ Չեն Ընը Չինաստանում կայացած տոնական միջոցառումների ժամանակ «դավեր նյութելու» միտք չեն ունեցել, հաղորդում է ՌԻԱ Նովոստին։

Ավելի վաղ ԱՄՆ նախագահ Դոնալդ Թրամփը, մեկնաբանելով Պեկինում անցկացված ռազմական շքերթը, մեղադրել էր Ռուսաստանին, Չինաստանին և Հյուսիսային Կորեային ԱՄՆ-ի դեմ «դավադրություն» պլանավորելու մեջ։

«Ես ուզում եմ ասել, որ ոչ ոք ոչ մի դավադրություն կազմակերպել, ոչ ոք ոչինչ չի հյուսել, ոչ մի դավադրություն։ Ավելին, այդ մասին նույնիսկ մտքով չի անցել, այդ երեք առաջնորդներից ոչ ոք այդպիսի միտք չի ունեցել»,- ասել է Ուշակովը։