Կովկասի բնության հիմնադրամը 285 հազար եվրո է հատկացրել ՀՀ բնապահպանական կառույցներին

Հատկացումները համաֆինանսավորում են կառույցների ընթացիկ ծախսերը՝ ապահովելով դրանց արդյունավետ գործունեությունը։

Կովկասի բնության հիմնադրամը (CNF) 2026 թվականի համար իրականացրել է առաջին ֆինանսական փոխանցումները Հայաստանի բնապահպանական կառույցներին։

Ընդհանուր առմամբ հատկացվել է 285 հազար եվրո։

Գումարը բաշխվել է հետևյալ կերպ՝

  • 90 հազար եվրո՝ «Զանգեզուր» կենսոլորտային համալիրին,
  • 75 հազար եվրո՝ «Խոսրովի անտառ» պետական արգելոցին,
  • 70 հազար եվրո՝ «Դիլիջան» ազգային պարկին,
  • 50 հազար եվրո՝ «Արփի լիճ» ազգային պարկին։

Հատկացումները համաֆինանսավորում են կառույցների ընթացիկ ծախսերը՝ ապահովելով դրանց արդյունավետ գործունեությունը։

Բացի այդ, նախքան այս փոխանցումները, «Արփա» պահպանվող լանդշաֆտին արդեն հատկացվել էր 50 հազար եվրո՝ պահպանության և օպերացիոն ծախսերի համար։