Ջենիֆեր Լոպեսը հրաժարվել է 1 մլն դոլարով ելույթ ունենալ ՌԴ-ում. Mash

Mash-ի տվյալներով՝ երեք ամիս առաջ երգչուհին և նրա մենեջմենթն արդեն պայմանավորվել էին Մոսկվայում առնվազն 1 միլիոն դոլար հոնորարով համերգի շուրջ:

Ջենիֆեր Լոպեսը, հրաժարվել է օգոստոսին ելույթ ունենալ ՌԴ-ում՝ անհանգստանալով, որ դրա պատճառով Արևմուտքում կարող է քննադատվել և վտանգել իր հեղինակությունը. այս մասին գրում է Mash թելեգրամյան ալիքը:

Ըստ աղբյուրի՝ ռուսական կողմը Լոպեսով հետաքրքրվել էր, երբ տեղեկացել էր, որ վերջինս պատրաստվում է համերգներ տալ Ղազախստանում, Ուզբեկստանում և Հայաստանում:

Mash-ի տվյալներով՝ երեք ամիս առաջ երգչուհին և նրա մենեջմենթն արդեն պայմանավորվել էին Մոսկվայում առնվազն 1 միլիոն դոլար հոնորարով համերգի շուրջ, նշանակել էր շոուի ամսաթիվ, բայց ավելի ուշ նրանք մտափոխվել են։Ըստ աղբյուրի՝ երգչուհին ՌԴ-ում ելույթ կունենա միայն Ուկրաինայում պատերազմի ավարտից հետո:

Հիշեցնենք, որ օգոստոսի 3-ին նախատեսված է աստղի համերգը Երևանում: