Թրաֆիքինգի դեմ պայքարի միջազգային օր․ միտումներն ու իրականացված աշխատանքները

Քաղաքացիներին սովորեցվում են ինքնանույնացման 12 հիմնական չափանիշները՝ վտանգները ճանաչելու ու աջակցություն ստանալու համար։

Հուլիսի 30-ին՝ թրաֆիքինգի դեմ պայքարի միջազգային օրը, ՀՀ-ում սկսվել են իրազեկման ակտիվ աշխատանքներ։

«Աուդիովիզուալ լրագրողների ասոցիացիա» ՀԿ-ի նախագահ Արզուման Հարությունյանը հայտնել է, որ պետության աջակցությամբ իրազեկման միջոցառումներ են իրականացվում ոչ միայն խոցելի խմբերի, այլև երիտասարդության շրջանում։

Նրա խոսքով՝ թրաֆիքինգը վերջին տարիներին տեղափոխվել է ինտերնետային հարթակ, ինչի պատճառով նաև կանխարգելման ու իրազեկման աշխատանքներն են անցել այդ տարածք։ Քաղաքացիներին սովորեցվում են ինքնանույնացման 12 հիմնական չափանիշները՝ վտանգները ճանաչելու ու աջակցություն ստանալու համար։

Նախատեսված են հոլովակներ, հանդիպումներ կրթօջախներում, և մանրամասները տեղադրվելու են antitrafficking.am կայքում՝ միակ հայալեզու հարթակում, որտեղ ներկայացված է թրաֆիքինգի դեմ պայքարի ողջ գործընթացը։