Wall Street-ի ցուցանիշները սկսել են նվազել

Շուկայում անկում են գրանցել նաև խոշոր ընկերությունների բաժնետոմսերը։

Օգոստոսի 5-ին ԱՄՆ ֆոնդային շուկաներում նկատվել է անկումային միտում՝ պայմանավորված տնտեսական ցուցանիշների թուլացմամբ և նախագահ Դոնալդ Թրամփի մաքսային քաղաքականության շուրջ շարունակվող անորոշություններով։ 

Dow Jones-ը նվազել է 121.13 կետով, Nasdaq-ը՝ 135.41-ով։ ԱՄՆ-ի ծառայությունների ոլորտում ակտիվության ցուցանիշը՝ ISM PMI-ն, անկում է ապրել՝ հասնելով 50.1-ի, ինչը համարվում է տնտեսության սառեցման ազդակ։

Շուկայում անկում են գրանցել նաև խոշոր ընկերությունների բաժնետոմսերը։ Մասնավորապես, Caterpillar-ը նախազգուշացրել է մաքսային նոր քաղաքականության հետևանքով մինչև 1.5 միլիարդ դոլար կորուստների մասին, իսկ Yum Brands-ն ու Marriott-ը նշել են սպառողական ծախսերի և ճանապարհորդական պահանջարկի անկման ազդեցությունը։ Ներդրողները սպասում են Դաշնային պահուստի սեպտեմբերյան նիստին՝ ակնկալելով տոկոսադրույքների նվազում։

Աղբյուրը` Reuters