ՀՀ աշխատանքի և բարեկեցության նախարարությունը փոփոխություններ է իրականացրել մանկատան շրջանավարտների բնակարանի գնման վկայագրերի (ԲԳՎ) տրամադրման գործընթացում։ Ըստ այդմ՝ պետական աջակցության չափը 6.3 միլիոն դրամից բարձրացվել է 8.7 միլիոն դրամի։
Ինչու է դա կարևոր. Նոր կարգավորումները լուծում են տալիս այն շրջանավարտների և սաների բնակարանային ապահովման հարցին, ովքեր ձեռք էին բերել ԲԳՎ ստանալու իրավունք, սակայն անհրաժեշտ ընթացակարգերը դեռ չէին ավարտել կամ դիմել էին սահմանված ժամկետի ավարտից հետո։ Բացի այդ, աջակցության գումարի աճը հնարավորություն կտա շահառուներին ձեռք բերել ավելի արժանապատիվ բնակարանային պայմաններ։
ԲԳՎ ծրագրի փոփոխություններն ու վերջնաժամկետները.
Աջակցության նոր չափը. 8,700,000 դրամ (նախկին 6,300,000 դրամի փոխարեն)։
Շահառուների ընդլայնում. Ընդգրկվել են նաև այն անձինք, ովքեր ունեին իրավունք, բայց չէին ավարտել գործընթացը կամ բաց էին թողել դիմելու նախկին ժամկետները:
Կարևոր ժամկետները.
Դիմումների ընդունման վերջնաժամկետ. 2026 թվականի դեկտեմբերի 15։
Վկայագրերի գործողության վերջնաժամկետ. 2027 թվականի հուլիսի 1։
