Տեղական

• Ընթացիկ տարվա հուլիսին Հայաստան է այցելել 263,592 զբոսաշրջիկ, ինչը 10,9%-ով կամ 25,989-ով ավելի է նախորդ տարվա հուլիսի ցուցանիշից։ 2025-ի մայիս, հունիս և հուլիս ամիսներին այցելուների քանակը եղել է պատմական առավելագույնը՝ մայիսին՝ 181,436, հունիսին՝ 215,253, հուլիսին՝ 263,592։

• Պարզ վթարների դեպքում երկար մնալու կարիք չկա․ նոր հնարավորություն ASWA-ում — Սեպտեմբերի 1-ից ASWA բջջային հավելվածով հնարավոր կլինի լուսանկարել մեքենաների վնասվածքները և փոխադարձ դիրքերը՝ առանց ինտերնետ կապի, իսկ մնացած տվյալները լրացնել արդեն ապահով վայրում՝ 3 ժամվա ընթացքում։

• 2025-ի հունվար-հունիսին Հայաստանում արտադրվել է 19,634.1 տոննա միս, ինչը 6,4%-ով ավելի է, քան նախորդ տարվա նույն ժամանակահատվածում։ Երշիկեղենի արտադրությունը նվազել է 6,7%-ով՝ կազմելով 5,951.4 տոննա։

• Տարեսկզբից Վրաստանը ՀՀ-ից 415,000 դոլարի պաղպաղակ է ներմուծել։ Ընդհանուր առմամբ, Վրաստանն արտահանել է 767,000 դոլար արժողությամբ 68 տոննա պաղպաղակ, ինչը գրեթե 5 անգամ գերազանցում է նախորդ տարվա ցուցանիշը։

Միջազգային

• Թրամփը Չինաստանին կոչ է արել քառապատիկ ավելացնել ԱՄՆ-ից սոյայի գնումները՝ նշելով, որ ամերիկյան ֆերմերները արտադրում են բարձրորակ սոյա։ Չինաստանի և ԱՄՆ առևտրի ծավալը այս տարվա առաջին 7 ամիսներին նվազել է 12%-ով։

• ԵՄ-ն համաձայնել է Ուկրաինային տրամադրել 3,2 միլիարդ եվրո օգնություն՝ Ուկրաինայի աջակցության հիմնադրամից։ Մասը կուղղվի պետական ֆինանսների պահուստ ստեղծելուն։

• 2025-ի հուլիսի դրությամբ ԵՄ-ում նվազագույն ամսական աշխատավարձը տատանվել է 551 եվրոյից (Բուլղարիա) մինչև 2,704 եվրո (Լյուքսեմբուրգ)։ ԵՄ 5 երկրներում նվազագույն աշխատավարձի չափ սահմանված չէ։

• Լոս Անջելեսում ավազակները 7,000 դոլարի Լաբուբու են գողացել — Գողերը խանութից գողացել են մոտ 7,000 դոլար արժողությամբ Labubu խաղալիքներ՝ օգտագործելով գողացված Toyota Tacoma բեռնատար։

Հետաքրքիր

• Ներկայացվել են ԱՄՆ ոչ ներգաղթային արտոնագրի դիմորդներին ներկայացվող պահանջները — Հարցազրույցին ներկայանալիս պետք է բերել այն DS-160 հաստատման էջը, որն օգտագործվել է հարցազրույցի օր ամրագրելիս։ Համարը չհամընկնելու դեպքում հարցազրույցը չի կայանա։