Որքան հարկ են վճարել ՏՏ ոլորտի ընկերությունները 2025-ի առաջին կիսամյակում

ՏՏ ոլորտի հարկային ցուցանիշները 2025-ի առաջին կիսամյակում:

Modex-ի տվյալներով՝ 2025 թվականի առաջին կիսամյակում Հայաստանի 1000 խոշոր հարկ վճարողների ցանկում ընդգրկվել են 76 ՏՏ ընկերություններ։ Նրանց ընդհանուր հարկային վճարումները կազմել են շուրջ 54 միլիարդ դրամ, ինչը կազմում է ՊԵԿ-ի վերահսկողության ներքո գտնվող բոլոր եկամուտների մոտ 4%-ը։

Շահութահարկի հիմնական մատակարարը՝ Դիջիթեյն
ՏՏ ընկերությունների կողմից վճարված շահութահարկը կազմել է 9.7 մլրդ դրամ, որից մոտ 47.3% կամ 4.57 մլրդ դրամ վճարել է «Դիջիթեյն» ընկերությունը՝ զգալիորեն առաջ անցնելով ոլորտի մյուս խոշոր ընկերություններից։

Եկամտային հարկի նվազում մի շարք խոշոր ընկերություններում
20 խոշոր ՏՏ ընկերություններից 10-ի մոտ արձանագրվել է եկամտային հարկի նվազում, առավել նկատելի՝ «KEH Armenia» ընկերության դեպքում։

«Ride Tech»-ի մոդելը՝ ՏՏ, ոչ թե ուղևորափոխադրում
Հետաքրքիր է «Ride Tech» ընկերության (հայտնի որպես Yandex Taxi) դիրքավորումը՝ այն ներգրավված է ոչ թե ուղևորափոխադրման ոլորտում, այլ տեխնոլոգիական պլատֆորմների մշակման ու շահագործման, այսինքն՝ գործում է որպես ՏՏ մատակարար։