Մարզերում երեխա ունեցող ընտանիքների համար մեկնարկել է բնակարանային աջակցություն

Ծրագրի մեկնարկից ի վեր աջակցության են արժանացել 13,815 ընտանիք, և հատկացված բյուջեն կազմել է մոտ 10 մլրդ դրամ։

2025 թվականին Երեխա ունեցող ընտանիքների բնակարանային ապահովման պետական աջակցության ծրագրի շրջանակում արդեն 1700 շահառու ստացել է աջակցություն՝ ընդհանուր շուրջ 1.4 մլրդ դրամի չափով։ 

Ծրագրի հիմնական նպատակն է միանվագ դրամական աջակցություն տրամադրել այն ընտանիքներին, որոնք ապրում են մարզային բնակավայրերում և ցանկանում են ձեռք բերել բնակարան կամ կառուցել տուն, ինչպես նաև հիփոթեքային վարկ մարող ընտանիքներին՝ երեխա ծնվելու դեպքում։

Այս պետական աջակցության շնորհիվ երեխա ունեցող ընտանիքների բնակարանային պայմանները զգալիորեն բարելավվում են։

Ինչպե՞ս դիմել. պայմաններին ծանոթացեք այստեղ: