Հորմուզի նեղուցի փակումը Պարսից ծոցի երկրներին արժեցել է 15.1 մլրդ դոլար

Ամենալուրջ հետևանքները կարող է կրել Իրաքը։

Պարսից ծոցի երկրների նավթարդյունահանող ընկերությունները կորցրել են մոտ 15.1 միլիարդ դոլարի հասույթ Հորմուզի նեղուցով նավագնացության փակման պատճառով։ Այս մասին հայտնում է Financial Times-ը՝ հղում կատարելով փորձագետներին։

Wood Mackenzie խորհրդատվական ընկերության հաշվարկներով՝ նեղուցի փաստացի փակումը ամենամեծ վնասը հասցրել է Սաուդյան Արաբիային, որը նավթի արտահանումից կորցրել է շուրջ 4.5 միլիարդ դոլար։

Qatar Energy ընկերությունը մարտի 2-11-ը կորցրել է մոտ 571 միլիոն դոլարի եկամուտ՝ նավթարդյունահանման դադարեցման պատճառով։

Փորձագետների գնահատմամբ՝ ամենալուրջ հետևանքները կարող է կրել Իրաքը, որի բյուջեի եկամուտների շուրջ 90 տոկոսը ձևավորվում է նավթարդյունահանումից։ Կատարն ու Քուվեյթը նույնպես կարող են բախվել բացասական ազդեցության, սակայն կարճաժամկետ հեռանկարում կարող են օգտվել իրենց սուվերեն ֆոնդերից։

FT-ի փոխանցմամբ՝ Հորմուզի նեղուցում արգելափակված նավթամթերքի և հեղուկացված բնական գազի ընդհանուր արժեքը կազմում է առնվազն 10.7 միլիարդ դոլար՝ ըստ Kpler վերլուծական ընկերության տվյալների։

Միջին հաշվով՝ նեղուցով օրական փոխադրվում էր շուրջ 1.2 միլիարդ դոլար արժողությամբ էներգառեսուրս։