Պատմական իրադարձություն․ ԱՄՆ անձնակազմը 10 օր կպտտվի Լուսնի շուրջը

«Artemis II»-ը ԱՄՆ լուսնային ծրագրի երկրորդ փուլն է։

Միացյալ Նահանգները սկսել է «Artemis II» առաքելությունը, որով շուրջ կես դար անց կրկին իրականացվում է անձնակազմով թռիչք դեպի Լուսին։

BBC-ի հաղորդմամբ՝ Ֆլորիդայի Կանավերալ հրվանդանից մեկնարկել է «Orion» տիեզերանավը՝ չորս տիեզերագնացներով։

Առաքելության շրջանակում անձնակազմը նախատեսվում է շուրջ 10 օր անցկացնել՝ պտտվելով Լուսնի շուրջ, առանց մակերեսին վայրէջք կատարելու։

«Artemis II»-ը ԱՄՆ լուսնային ծրագրի երկրորդ փուլն է։ Ծրագրի առաջին փուլը՝ «Artemis I»-ը, իրականացվել էր 2022 թվականին՝ անօդաչու փորձնական թռիչքով։

Ծրագրի հաջորդ փուլը՝ «Artemis III»-ը, նախատեսում է մարդկանց վայրէջք Լուսնի վրա։

NASA-ն «Artemis» ծրագիրը մեկնարկել է 2019 թվականին՝ նպատակ ունենալով վերականգնել Լուսնի հետազոտությունները և ստեղծել ենթակառուցվածք՝ հետագա խոր տիեզերական առաքելությունների, այդ թվում՝ դեպի Մարս թռիչքների համար։