Հայաստանում հունվար-օգոստոս ամիսներին նախորդ տարվա նույն ժամանակահատվածի համեմատ հավաքագրվել են 258 մլրդ դրամով ավելի հարկային եկամուտներ։
Այս մասին կառավարության սեպտեմբերի 3-ի նիստում տեղեկացրեց ՊԵԿ նախագահ Էդուարդ Հակոբյանը։
«Օգոստոսն արդեն ամփոփել ենք։ Հունվար-օգոստոսին ունեցել ենք 14․6 տոկոսով աճ։ Սա նշանակում է առաջանցիկություն նախատեսված ծրագրից, վկայում է նաև տնտեսությունում ստվերի շարունակական նվազման մասին։ Նախորդ տարվա համեմատ 258 մլրդ դրամով ավել հարկային եկամուտներ են հավաքագրվել հունվար-օգոստոս ամիսներին»,- նշեց Էդուարդ Հակոբյանը։
