Կառավարության սահմանած 7% տնտեսական աճի թիրախը գերակատարվել է. Էկոնոմիկայի նախարար

Նախարարը ֆեյսբուքի իր էջում նշել է, որ ծրագրով միջին տնտեսական աճի թիրախը սահմանված էր 7%, մինչդեռ փաստացի ցուցանիշը կազմել է 7,9%։

Հայաստանի էկոնոմիկայի նախարար Գևորգ Պապոյանը հայտարարել է, որ Կառավարության 2021-2026 թվականների ծրագրով սահմանված միջին տնտեսական աճի թիրախը գերակատարվել է։

Նախարարը ֆեյսբուքի իր էջում նշել է, որ ծրագրով միջին տնտեսական աճի թիրախը սահմանված էր 7%, մինչդեռ փաստացի ցուցանիշը կազմել է 7,9%։

«Կառավարության 2021-2026թթ. ծրագրով միջին տնտեսական աճի թիրախը դրված էր 7%։ Ցուցանիշը գերակատարված է և կազմում է 7,9%։ Սա մոտ 2,3 անգամ ավելի բարձր է, քան աշխարհի միջին ցուցանիշը»,- գրել է Պապոյանը։

Նախարարի գնահատմամբ՝ արձանագրված արդյունքը վկայում է տնտեսության աճի կայուն միտումների մասին։