Իրանում սաստիկ շոգի ու ջրային պաշարների նվազման պատճառով փակվել են կառավարական շենքեր ու բանկեր

Երկրի որոշ շրջաններում ջերմաստիճանը կարող է հասնել մինչև 50 -ի:

Իրանում սաստիկ շոգի, դրա արդյունքում նվազող ջրային պաշարների պատճառով իշխանությունները փակել են Թեհրանում և մի քանի այլ նահանգներում գտնվող մի շարք կառավարական շենքեր ու բանկեր։ 

Օդերևութաբանական ծառայության կանխատեսմամբ, այս շաբաթվա ընթացքում երկրի որոշ շրջաններում ջերմաստիճանը կարող է հասնել մինչև 50 -ի՝ Ցելսիուսի սանդղակով։ Կգործեն միայն բժշկական հաստատությունները, մասնավոր ընկերությունները և որոշ բանկերի մասնաճյուղեր։