Աշխարհում ոսկու պաշարները շարունակ աճում են

Կենտրոնական բանկերը հունիսին ավելացրել են ոսկու պաշարները 22 տոննայով:

Ըստ World Gold Council (WGC)-ի նախնական տվյալների՝ 2025թ. հունիսին աշխարհի կենտրոնական բանկերը իրենց ոսկու և արժութային պահուստներում ավելացրել են 22 տոննա ոսկի։

  • Գնումներն աճում են արդեն երեք ամիս անընդմեջ,

  • Սակայն տարեկան առաջին կեսի արդյունքը՝ 123 տոննա, փոքր-ինչ զիջում է 2024թ. նույն ժամանակահատվածին (130 տոննա)։

Հունիսի հիմնական գնորդները․

  • Ուզբեկստան – 9 տոննա,

  • Ղազախստան – 7.4 տոննա,

  • Թուրքիա – 2.3 տոննա,

  • Չինաստան – 2.2 տոննա,

  • Չեխիա – 1.6 տոննա,

  • Ղրղզստան – 1.2 տոննա։

Մնացած երկրների գնումները կազմել են մինչև 1 տոննա։

Նշվում է նաև, որ Ադրբեջանի պետական նավթային հիմնադրամը ավելացրել է իր ոսկու պաշարները 15.8 տոննայով, սակայն այս ցուցանիշը WGC-ի պաշտոնական վիճակագրության մեջ ներառված չէ։

Ամենամեծ վաճառողը կրկին դարձել է Սինգապուրի կենտրոնական բանկը, որը նվազեցրել է իր պահուստները 5.6 տոննայով։