ABNews
Frank Media․ Ինչի մասին են բանկիրները զգուշացրել Պուտինին 1 ամիս առաջ
Լուրեր | 2022/03/07 05:47
Ուկրաինայում ռուսաստանյան զորքերի հատուկ գործողությունից մեկ ամիս առաջ ՌԴ պետական բանկերի եւ Կենտրոնական բանկի ներկայացուցիչները գնահատել են տնտեսության համար պատժամիջոցների կոշտ տարբերակի հնարավոր հետեւանքները։
Այս մասին Frank Media-ին պատմել են բանկերի կողմից երկրի ղեկավարության համար պատրաստած նյութերի բովանդակությանը ծանոթ չորս աղբյուր։
Բանկիրներն իրենց գնահատականը ներկայացրել են կառավարությանն ու նախագահ Վլադիմիր Պուտինին։ Զեկույցը պատրաստում էին Սբերբանկի, ՎՏԲ-ի եւ Կենտրոնական բանկի թիմերը։ Միանգամից երեք աղբյուր հավաստիացրել է, որ ֆինանսիստների համար կարեւոր էր իշխանություններին ցույց տալ Ուկրաինայի հետ հակամարտության հետագա սրման տնտեսական հետեւանքները։
«Ռուսաստանի կողմից Դոնեցկի եւ Լուգանսկի ժողովրդական հանրապետությունների անկախության ճանաչումն այն ժամանակ դիտարկվում էր որպես ամենակոշտ սցենար։ Անգամ ամենակատաղի երեւակայություն ունեցող մասնակիցները չէին կարող պատկերացնել, թե դա ինչ հետեւանքների կհանգեցնի»,- նշել է նյութերին ծանոթ աղբյուրը։
Պետական բանկերից յուրաքանչյուրը եւ կարգավորիչ մարմինը պատրաստում էին ազդեցության մասին իրենց սեփական գնահատականը՝ ի վերջո բոլոր երեքը համատեղելով մեկ շնորհանդեսի մեջ:
«Մենք հրապարակում ենք դրա հիմնական կետերը, որոնք մեզ հաջողվել է հավաքել եւ հաստատել տարբեր գերատեսչությունների աղբյուրների հետ զրույցում (բոլորն էլ նախընտրել են անանուն մնալ)»,- գրում է Frank Media-ն:
Ֆինանսիստները համակարծիք են եղել, որ կոշտ պատժամիջոցները կհանգեցնեն.
- ՀՆԱ-ի ուժեղ անկմանը՝ 10%-ից սկսած,
- կտրուկ՝ 4%-ից մինչեւ 12% գործազրկության աճին եւ բնակչության եկամուտների նվազմանը,
- բանկերի լրացուցիչ կապիտալիզացիայի անհրաժեշտությանը՝ 5-6 տրիլիոն ռուբլով,
- հիմնական տոկոսադրույքի աճին՝ մինչեւ 20-30%,
- փոխարժեքի բարձրացմանը՝ մինչեւ 150-200 ռուբլի,
- տեխնոլոգիական էմբարգոյի պատճառով երկրի զարգացման հետաձգմանը։
«Լրացուցիչ կապիտալիզացիայի թիվն արտասահմանում արգելափակված ակտիվների գնահատումն է՝ ճշգրտված փոխարժեքի ակնկալվող փոփոխության համար: Սակայն, բացի սրանից, կլինեն նաեւ վարկային կորուստներ, որոնք անհնար է կանխատեսել»,- ասել է Frank Media-ի զրուցակիցներից մեկը։
Նրանք բոլորն էլ նշել են, որ սցենարներից եւ ոչ մեկում չի դիտարկվել պատժամիջոցների կիրառումը ՌԴ Կենտրոնական բանկի դեմ։
Տարածել
Կարդացեք նաեւ
Լուրեր | 2026/09/04 12:31
Առևտուր, շինարարություն, բեռնափոխադրումներ. որ ոլորտներում են ակտիվ հայ ձեռնարկատերերը ՌԴ-ում
Հայկական բիզնեսը Ռուսաստանում օտարերկրյա մասնակցությամբ ընկերությունների թվի 3%-ից պակաս մասնաբաժինն է զբաղեցնում։ Դրանք հիմնականում ներկայացված են առևտրի, շինարարության և փոխադրումների ոլորտներում։ Այս մասին ասվում է ՌԻԱ Նովոստիի համար Rusprofile գործընկերների ստուգման ծառայության հետազոտության մեջ։«Ներկայում Ռուսաստանում գործում է Հայաստանից հիմնադիրների կողմից գրանցված 1736 ընկերություն։ Դրանք...
Լուրեր | 2026/09/04 12:18
Վրաստանում կանցկացվեն Հայաստանի մշակույթի օրեր
Վրաստանում 2026 թվականի հոկտեմբերին կանցկացվեն Հայաստանի մշակույթի օրեր՝ նվիրված Հայաստանի Հանրապետության անկախության 35-ամյակին։Այդ մասին հաղորդագրություն է տարածել ՀՀ կրթության, գիտության, մշակույթի և սպորտի նախարարությունը։Սեպտեմբերի 3֊ին` նախապատրաստական աշխատանքների շրջանակում, ՀՀ ԿԳՄՍ նախարարի տեղակալ Տիգրան Վիրաբյանը մեկնել է Թբիլիսի, հանդիպել Վրաստանի մշակույթի նախարարի տեղակալ Գիորգի Միրց...
Լուրեր | 2026/09/04 12:17
Պարեկները՝ առաջադրանքի բնույթով պայմանավորված, կարող են ծառայություն իրականացնել նաև առկայծող փարոսիկներն անջատված
Պարեկները՝ ծառայողական առաջադրանքի բնույթով պայմանավորված, կարող են ծառայությունն իրականացնել թե՛ առկայծող փարոսիկներն անջատված, թե՛ միացված վիճակում: Այդ մասին հայտնում են ՆԳՆ ոստիկանությունից:«Առկայծող փարոսիկները միացված կլինեն պատահարի ժամանակ գործողություններ իրականացնելիս, հանրային միջոցառումների ժամանակ երթևեկության անվտանգությունն ապահովելիս, իրավախախտում կատարած տրանսպորտային միջոցը կանգն...
Լուրեր | 2026/09/04 11:37
Արևային ինքնավար էներգաարտադրողների մոտ խախտումներ են հայտնաբերվել. նախնական վնասը գնահատվում է շուրջ 2 մլրդ դրամ
«Հայաստանի էլեկտրական ցանցեր» ընկերության նախաձեռնությամբ շուրջ երեք տասնյակ արևային ինքնավար էներգաարտադրողների շրջանում իրականացված ուսումնասիրությունների արդյունքում 16-ի մոտ առերևույթ խախտումներ են արձանագրվել։ Այս մասին «Ֆեյսբուք»-ի իր էջում գրել է Ռոմանոս Պետրոսյանը։Նրա փոխանցմամբ՝ ՀԷՑ-ի իրականացրած ստուգումների արդյունքում պարզվել է, որ 150 կՎ-ից մինչև 500 կՎ սահմանված հզորությամբ ինքնավար...