Ֆրանսիան դիմել է Թրամփին կոնյակն ու շամպայնը ազատել ԱՄՆ մաքսատուրքերից․ FT

Կողմերը առաջընթաց են գրանցել թունդ ալկոհոլային արտադրանքի վրա դրված մաքսատուրքերի չեղարկման հարցում։

Փարիզը դիմել է ԱՄՆ նախագահ Դոնալդ Թրամփի վարչակազմին ՝ խնդրելով կոնյակը, շամպայնը և այլ ալկոհոլային խմիչքներ ազատել ամերիկյան մաքսատուրքերից։ Այս մասին հայտնել է բրիտանական Financial Times թերթը՝ հղում անելով Ֆրանսիայի արտաքին առևտրի հարցերով նախարար-պատվիրակ Լորան Սեն-Մարտենին։

Կողմերը առաջընթաց են գրանցել թունդ ալկոհոլային արտադրանքի վրա դրված մաքսատուրքերի չեղարկման հարցում։

Ֆրանսիացի պաշտոնյան նշել է, որ «Մենք հասկանում ենք, որ թունդ սպիրտային խմիչքների վրա դա իսկապես չի տարածվում»։

Ըստ աղբյուրների՝ Փարիզը նաև բանակցում է թույլ ալկոհոլային խմիչքների, այդ թվում՝ գինու և շամպայնի համար մաքսատուրքերը վերացնելու շուրջ։

Հատկանշական է, որ Ֆրանսիայի ալկոհոլի արտահանման մեկ երրորդը բաժին է ընկնում ԱՄՆ-ին, ինչն ընդգծում է երկու երկրների համար այս բանակցությունների կարևորությունը։