Իլոն Մասկը դատական հայց է ներկայացրել Apple-ին և OpenAI-ին

Մասկը հայտարարել է, որ Apple-ը թույլ չի տալիս որևէ այլ ԱԲ հավելվածի զբաղեցնել App Store-ի առաջին տեղը :

Մասկի ընկերությունները մեղադրում են Apple-ին և OpenAI-ին դավադիր և անբարեխիղճ մրցակցության մեջ։ Նրանք պնդում են, որ Apple-ի որոշումը ինտեգրել ChatGPT հավելվածը iPhone-ների օպերացիոն համակարգում խաթարում է ազատ մրցակցությունը և զրկում սպառողներին ընտրության հնարավորությունից։

Նախաձեռնող կողմերը նաև նշում են, որ Apple-ը App Store-ում իրականացնում է վարկանիշային մանիպուլյացիաներ, որոնք նվազեցնում են այլ չաթբոտների՝ օրինակ՝ Grok-ի դիրքը։ Մասկը հայտարարել է, որ Apple-ը թույլ չի տալիս որևէ այլ ԱԲ հավելվածի զբաղեցնել App Store-ի առաջին տեղը բացի ChatGPT-ից, ինչը, նրա պնդմամբ, հակամենաշնորհային է։

xAI-ն և X-ը նշել են, որ անհապաղ կձեռնարկեն իրավական քայլեր՝ ազատ մրցակցությունը պաշտպանելու նպատակով։