Իլոն Մասկը հայտարարել է, որ կբացի Grok 2 չաթբոտի սկզբնական կոդը

Մասկն արհեստական բանականության xAI ստարտափը հիմնադրել է 2023 թվականի ապրիլին։

Արհեստական բանականության ոլորտը ներկայացնող xAI ստարտափի հիմնադիր Իլոն Մասկը հայտարարել է, որ կբացի Grok 2 չաթբոտի սկզբնական կոդը։

«Ժամանակն է Grok 2-ն օգտագործել բաց կոդով։ Մենք դա կանենք հաջորդ շաբաթ», - գրել է Մասկը X-ում։

Մասկն արհեստական բանականության xAI ստարտափը հիմնադրել է 2023 թվականի ապրիլին։ Մի քանի ամիս անց ընկերությունը ներկայացրել է արհեստական բանականությամբ աշխատող չաթբոտ՝ Grok անվամբ։

Նախագծի ստեղծողները պնդում են, որ այս արտադրանքը տարբերվում է իր անալոգներից նրանով, որ այն զերծ է գրաքննությունից և ապահովում է համապատասխան տեղեկատվության հասանելիություն իրական ժամանակում։