Կոնվերս Բանկը միացել է PCAF-ին

Կոնվերս Բանկը պաշտոնապես միացել է Partnership for Carbon Accounting Financials (PCAF) համաշխարհային նախաձեռնությանը:

PCAF-ը ֆինանսական հաստատությունների միջև համագործակցություն է ամբողջ աշխարհում, որը միավորված հաստատություններին հնարավորություն է տալիս բացահայտել և գնահատել վարկավորման և ներդրումների հետևանքով գոյացած ածխաթթու գազի արտանետումների ծավալը: PCAF-ի միջոցով անդամակցող կառույցները հնարավորություն ունեն մշակել և ներդնել միջազգային լավագույն փորձին համապատասխան ընթացակարգեր իրենց գործունեության հետևանքով ածխաթթու գազի ծավալների հաշվարկման և հաշվառման համար:

PCAF-ին անդամակցությունը ռազմավարական նշանակություն ունի Կոնվերս Բանկի համար և ընդգծում է Բանկի նվիրվածությունը կայուն ֆինանսավորման, առավել բարձր թափանցիկության և պատասխանատու բանկային գործունեության սկզբունքներին։ Սա բնապահպանական և սոցիալական կառավարման համակարգի (ESMS) և ESG լայնածավալ օրակարգի կարևոր բաղկացուցիչ մասն է, որն աստիճանաբար կկիրառվի Բանկի գործունեության բոլոր փուլերում։

Ընդունելով PCAF-ի միջազգային ճանաչում ունեցող մեթոդաբանությունը՝ Կոնվերս Բանկը նպատակ ունի ուժեղացնելու գործունեության հետևանքով առաջացող արտանետումները չափելու, կառավարելու և հրապարակելու իր կարողությունները՝ նպաստելով Հայաստանի կանաչ անցմանը և աջակցելով կլիմայական փոփոխությունների դեմ գլոբալ պայքարին։

Կոնվերս Բանկի մասին

Կոնվերս Բանկը Հայաստանի առաջատար ֆինանսական կառույցներից է, որն ուղղված է նորարարական և պատասխանատու ֆինանսական լուծումների տրամադրմանը։ Բանկն իր գործունեության բոլոր փուլերում ներառում է կայունության, թափանցիկության և արդյունավետ կառավարման սկզբունքները՝ համահունչ լինելով միջազգային բնապահպանական ու սոցիալական չափանիշներին և նպաստելով Հայաստանի կայուն տնտեսական զարգացմանը։

PCAF մասին 

Partnership for Carbon Accounting Financials-ը համաշխարհային մակարդակով գործարկվել է 2019 թվականի սեպտեմբերին։ Այժմ ավելի քան 680 ֆինանսական կազմակերպություն միացել է այս նախաձեռնությանը։ PCAF-ի մասնակիցներն աշխատում են համատեղ՝ զարգացնելու Ֆինանսական արդյունաբերության ջերմոցային գազերի հաշվառման և հաշվետվությունների գլոբալ ստանդարտը, որը հնարավորություն է տալիս չափելու և հրապարակելու վարկերի ու ներդրումների արդյունքում առաջացող ջերմոցային գազերի արտանետումները։

Լրացուցիչ տեղեկատվության համար՝ carbonaccountingfinancials.com

Կոնվերս Բանկը վերահսկվում է ՀՀ կենտրոնոկան բանկի կողմից:



*գովազդ