Չինաստանը կշարունակի ռուսական նավթ գնել՝ վճարելով 100% մաքսատուրք

ԱՄՆ-ում Չինաստանին նախազգուշացրել են ռուսական նավթի գնումների առնչությամբ։

ԱՄՆ ֆինանսների նախարար Սքոթ Բեսենթն ասել է, որ առևտրային բանակցությունների ավարտին չինացի պաշտոնյաներին զգուշացրել է բարձր մաքսատուրքերի սպառնալիքի մասին՝ կապված ռուսական նավթի հետագա գնումների հետ, որոնք նախատեսված են Կոնգրեսում գտնվող օրինագծով:


«Ես կարծում եմ, որ ցանկացածն, ով ռուսական նավթ է գնում, որը գտնվում է պատժամիջոցների տակ, պետք է պատրաստ լինի դրան»,- ասել է նա։


Ըստ ԱՄՆ ֆինանսների նախարարի, ի պատասխան՝ չինացի պաշտոնյաները հայտարարել են, որ Չինաստանը ինքնիշխան պետություն է, և նավթի գնումները հիմնված կլինեն երկրի ներքին քաղաքականության վրա:


«Չինացիները շատ լուրջ են վերաբերում իրենց ինքնիշխանությանը։ Մենք չենք ցանկանում դրա դեմ ոտնձգություն կատարել, այդ պատճառով նրանք ցանկանում են 100 տոկոսանոց տուրք վճարել»,- ընդգծել է նա։ 


Չինաստանը շարունակում է մնալ ռուսական նավթի խոշորագույն գնորդը՝ օրական գնելով մոտ երկու միլիոն բարել, հիշեցնում Է Reuters-ը։  Նրան հաջորդում են Հնդկաստանն ու Թուրքիան։