Ճապոնիայի իշխանությունները ուսումնասիրում են զինված ուժերում ֆիզիկական արհեստական բանականությամբ (physical AI) օժտված մարդանման ռոբոտներ ներդնելու հնարավորությունը՝ զորակոչի հետ կապված դժվարությունները հաղթահարելու համար, գրում է Japan Today-ը՝ հղում անելով կառավարության և իշխող Լիբերալ-դեմոկրատական կուսակցության (ԼԴԿ) աղբյուրներին։
Կիրառության ոլորտները. Ռոբոտները նախատեսված են «ոչ մարտական իրավիճակների» համար, մասնավորապես՝ ռազմաբազաների պարեկության, նյութատեխնիկական ապահովման, ինչպես նաև հետախուզական ու փրկարարական գործողությունների համար։
Մրցույթ և մշակումներ. Պաշտպանության նախարարության Գնումների, տեխնոլոգիաների և լոգիստիկայի գործակալությունը պատրաստվում է անցկացնել մրցույթ, որտեղ մասնավոր ընկերություններն ու համալսարանները կներկայացնեն իրենց հումանոիդ ռոբոտների հնարավորությունները։
Օրենսդրական փոփոխություններ. Տարեվերջին Ճապոնիայի կառավարությունը ծրագրում է վերանայել պաշտպանության և անվտանգության ոլորտի հայեցակարգային փաստաթղթերը՝ ԱԲ-ն որպես երկրի պաշտպանունակության առանցքային գործոն ամրագրելու նպատակով։
Մարտական կիրառման ռիսկերը. Իշխանությունները բացառում են զինված ռոբոտների մասնակցությունը բուն մարտական գործողություններին՝ յուրայիններին ու հակառակորդին կամ խաղաղ բնակիչներին շփոթելու տեխնոլոգիական ռիսկերի պատճառով։
Ինչու է դա կարևոր Ժողովրդագրական ճգնաժամի և Ինքնապաշտպանության ուժերում անձնակազմի սուր դեֆիցիտի պայմաններում Ճապոնիան փորձում է ռոբոտաշինության և physical AI-ի միջոցով ապահովել երկրի անվտանգությունն ու ռազմաբազաների սպասարկումը՝ առանց մարդկային resurs-ների ավելացման։
