Տեղական

▪️ 400 շահառու կօգտվի անապահով ընտանիքների աջակցության ծրագրից

Կառավարությունը հաստատել է ծրագիրը՝ աշխատունակ անձանց գործատուի պահանջներին համապատասխան հմտություններ փոխանցելու նպատակով։

▪️ Գազամատակարարումը կդադարեցվի հուլիսի 24–26-ը՝ վթարավերականգնողական աշխատանքների պատճառով

Հայաստանին բնական գազը մատակարարվելու է ներքին պաշարների և ԻԻՀ մատակարարումների հաշվին։

▪️ Սյունիքում կշռման գործընթացից խուսափելու դեպքերը կկանխվեն տեսահսկմամբ

Տեղադրվելու է տեսախցիկների համակարգ, որը կֆիքսի կշռման կետը շրջանցող բեռնատարները։

▪️ ՀՀ բանկային համակարգի ակտիվները մայիսին կազմել են 11.2 տրիլիոն դրամ

Ամենամսյա աճը՝ նախորդ տարվա համեմատ, կազմել է 18.8%։ Տվյալները տրամադրել է ԿԲ-ն։

Միջազգային

▪️ ԱՄՆ-ը կիջեցնի Ճապոնիայից ներկրվող ապրանքների մաքսատուրքերը մինչև 15%

Գործարքը վերաբերում է հիմնականում ավտոմեքենաներին, իսկ Ճապոնիան չի նվազեցնի գյուղմթերքի մաքսերը։

▪️ Ուկրաինան 2026-ին կպահանջի առնվազն 120 մլրդ դոլար պաշտպանական օգնություն

Նախատեսվում է, որ այդ գումարի կեսը կարող է ստացվել ԵՄ-ից և ՆԱՏՕ-ի անդամ երկրներից։

▪️ Վրաստանը կես տարում արտահանել է $121.7 մլն արժողությամբ գինի

Արտահանման ծավալը և արժեքը նվազել են շուրջ քառորդով՝ հիմնականում Ռուսաստան արտահանման կրճատման պատճառով։

▪️ 20,000 զբոսաշրջիկ այցելել է Վրաստան՝ Ջասթին Թիմբերլեյքի համերգի առիթով

Միջոցառումը դիտել է 55,000 մարդ։ Մշակույթի նախարարությունը նման նախագծերը դիտարկում է որպես զբոսաշրջության խթան։

Հետաքրքիր

▪️ Fitch․ գնաճը Հայաստանում կմնա թիրախային միջակայքում մինչև 2027 թվականը

Չնայած որոշ ռիսկերին՝ գործակալությունը դրական է գնահատում կայուն գնաճային միջավայրը։ Տոկոսադրույքների կրճատման հնարավորությունը գնահատվում է սահմանափակ։