Հուլիսի 23-ի բիզնես լուրերը

Տեղական

▪️ Ծաղկի շուկայի վերահսկողություն․ արդեն 10 տնտեսվարող արտահանում է իրականացնում

ՍԱՏՄ-ն հայտնել է, որ ծաղկավաճառների վերահսկողության արդյունքում 10 տնտեսվարող արդեն արտահանում է, սակայն ոլորտում խնդիրները դեռ ամբողջությամբ չեն լուծվել։

▪️ Ֆինանսների նախարարը քննարկել է ԱԶԲ և ԶՖԳ աջակցությամբ իրականացվող ծրագիրը

Վահե Հովհաննիսյանը և միջազգային գործընկերները խոսել են ընթացիկ բարեփոխումների ուղղությունների և նախորդ ծրագրերի արդյունքների մասին։

▪️ ԱՄՆ մուտքի ժամկետը որոշվում է սահմանապահի կողմից

ՀՀ-ում ԱՄՆ դեսպանատունը հիշեցրել է՝ մուտքի ժամկետը կապ չունի վիզայի ժամկետի հետ, այն որոշվում է մուտքի պահին՝ տեղում։

▪️ Օտարերկրացիները կկարողանան ստանալ բջջային ID SIM քարտ

Նոր կարգավորումը թույլ է տալիս կացության կարգավիճակ ունեցող օտարերկրացիներին ստանալ mID՝ որոշ փաստաթղթերի առկայությամբ։

Միջազգային

▪️ OpenAI-ն և Մեծ Բրիտանիան կհամագործակցեն պետական ոլորտում

Ստորագրվել է համաձայնագիր, որով AI գործիքները կարող են կիրառվել կրթության, պաշտպանության, արդարադատության ոլորտներում։

▪️ Թուրքիան 2.4 մլրդ եվրո է ներգրավել Կարս–Նախիջևան երկաթուղու համար

Նախագիծը նպատակ ունի ամրապնդել Թուրքիայի կապը Ասիայի հետ՝ ստանալով միջազգային ֆինանսական աջակցություն։

▪️ Հեղուկ գազի համաշխարհային առևտուրը 2025-ին կաճի 5.5%-ով

Էներգետիկ գործակալությունը կանխատեսում է նաև հեղուկ գազի առաջարկի 7% աճ՝ 2026-ին՝ ամենաբարձրն 2019-ից ի վեր։

▪️ Սաուդյան Արաբիայում նավթի արդյունահանումը մայիսին աճել է 2%-ով

Օրական արդյունահանումը հասել է 9.184 մլն բարելի՝ նախորդ ամսվա համեմատ գրանցելով աճ թե՛ արտահանման, թե՛ արդյունահանման մեջ։

Հետաքրքիր

▪️ Նյու Յորքն ու Նյու Ջերսին ակնկալում են 3.3 միլիարդ դոլարի եկամուտ՝ 2026-ի Աշխարհի առաջնությունից

Մոտ 1.2 մլն այցելուի շնորհիվ սպառումը կաճի 1.7 մլրդ դոլարով, իսկ 26,000 նոր աշխատատեղը կավելացնի տնտեսությանը 1.3 մլրդ դոլար։