Օգոստոսի 6-ի բիզնես լուրերը
Լուրեր |

Տեղական
▪️ Մհեր Գրիգորյանն ու Վասիլիս Մարագոսը քննարկել են ՀՀ–ԵՄ տնտեսական կապերի դիվերսիֆիկացիան
Փոխվարչապետ Մհեր Գրիգորյանն ընդունել է Հայաստանում ԵՄ պատվիրակության ղեկավար Վասիլիս Մարագոսին։ Քննարկվել են տարածաշրջանային զարգացումներ, հաղորդակցությունների ապաշրջափակման և ՀՀ–ԵՄ տնտեսական կապերի դիվերսիֆիկացման հնարավորությունները։ Անդրադարձ է եղել նաև ԵՄ մուտքի արտոնագրերի ազատականացման շուրջ ընթացող բանակցություններին։
▪️ Պետբյուջեի եկամուտները կազմել են 1.43 տրլն դրամ՝ աճելով 15.2%-ով
2025 թվականի հունվար–հունիս ամիսներին ՀՀ պետբյուջեի եկամուտները կազմել են 1 տրլն 433 մլրդ դրամ։ Դա 189.4 մլրդ դրամով կամ 15.2%-ով ավելի է, քան նախորդ տարվա համադրելի ցուցանիշը։ Ծախսերը կազմել են 1 տրլն 472 մլրդ դրամ՝ 19.4%-ով կամ 239.6 մլրդ դրամով ավելի։ Պակասուրդը նվազել է՝ հասնելով 39.2 մլրդ դրամի։
▪️ ԱԱՀ, եկամտային և շահութահարկի աճ
ՊԵԿ-ի տվյալներով՝ 2025 թվականի առաջին կիսամյակում ԱԱՀ-ի հավաքագրման ծավալը կազմել է 411,398.3 մլն դրամ՝ 25.1% աճով։ Եկամտային հարկը կազմել է 350,283.1 մլն դրամ (աճ՝ 9.3%), իսկ շահութահարկը՝ 290,281.3 մլն դրամ (աճ՝ 18%)։
▪️ Ընդերքօգտագործողների խախտումներով պայմանավորված՝ 2.75 մլն դրամ տուգանք
Բնապահպանության և ընդերքի տեսչական մարմինը 2025-ի առաջին կիսամյակում իրականացրել է 46 ստուգում, արձանագրել է 66 խախտում։ Կայացվել է 27 վարչական տույժի որոշում, սահմանվել է 2,750,000 դրամ տուգանք։
▪️ Բենզինի ու դիզվառելիքի գների փոփոխություններ՝ հուլիսին
Հուլիսին բենզինը 2024-ի հուլիսի համեմատ էժանացել է 1.4%-ով, իսկ դիզելային վառելիքը՝ 3.9%-ով։ Սակայն նույն տարվա հունիսի համեմատ՝ գները աճել են. բենզինը՝ 3.9%-ով, դիզվառելիքը՝ 5.2%-ով։
Միջազգային
▪️ ՌԴ-ում լուծարված ընկերությունների թիվը գերազանցել է նոր գրանցվածներին
2025-ի առաջին կիսամյակում Ռուսաստանում գրանցվել է զգալի անբալանս․ լուծարված ընկերությունների թիվը գերազանցել է նոր գրանցվածներին։ Հիմնականում շինարարության, առևտրի և արդյունաբերության ոլորտներում արձանագրվել են սնանկություններ՝ կապված ծախսերի աճի և պահանջարկի նվազման հետ։
▪️ ՌԴ նավթագազային եկամուտները կրճատվել են 27%-ով
2025-ի հուլիսին ՌԴ բյուջեի նավթագազային եկամուտները կազմել են 787.3 մլրդ ռուբլի՝ 27%-ով պակաս, քան նախորդ տարվա նույն ամիսը։ Յոթ ամիսների կտրվածքով՝ կրճատումն ընդհանուր կազմել է 18.5%։
▪️ ԵՄ-ն սառեցրել է ԱՄՆ-ի նկատմամբ մաքսատուրքերը
ԵՄ-ն ժամանակավորապես սառեցրել է ԱՄՆ-ի դեմ պատասխան մաքսատուրքերը՝ Թրամփ-ֆոն դեր Լեյեն պայմանավորվածության արդյունքում։ Սակայն հայտարարությունը ընդգծում է՝ Բրյուսելն իրավունք է պահպանում ցանկացած պահի վերսկսելու դրանք։ ԵՄ-ն նաև պարտավորվել է 750 մլրդ դոլարի էներգակիրներ գնել ԱՄՆ-ից։
▪️ ԱՄՆ ներմուծումը նվազել է 4%-ով՝ սակագնային քաղաքականության ֆոնին
Թրամփի մաքսային քաղաքականության և գործարար անորոշության հետևանքով 2025-ի հունիսին ԱՄՆ ներմուծումը նվազել է մոտ 4%-ով։ Ըստ Առևտրի նախարարության՝ ընկերությունները նախընտրում են զգուշավորություն ցուցաբերել սակագնային անորոշության պայմաններում։
Հետաքրքիր
▪️ Հուլիսի 1-ի դրությամբ՝ Հայաստանում ապրում է 3 մլն 84 հազար մարդ
Ըստ Վիճակագրական կոմիտեի՝ Հայաստանի մշտական բնակչությունը 2025-ի հուլիսի 1-ի դրությամբ կազմել է 3,084,000։ Նախորդ տարվա համեմատ բնակչությունն ավելացել է 27,000-ով, որից 25,000-ը՝ գյուղերում։ Քաղաքային բնակչության թիվը կազմել է 1,974,000, գյուղականը՝ 1,109,000։ Երևանի բնակչությունը հասել է 1,143,000-ի։
Հետեվեք մեզ սոց-ցանցերում
Կարդացեք նաեվ

Լուրեր | 2025/08/30 19:01
Օգոստոսի 30-ի կարևոր լուրերը

Լուրեր | 2025/08/29 22:00
Օգոստոսի 29-ի բիզնես լուրերը
-
Ինչպես հասկանալ և ընդլայնել ձեր ֆինանսական ուղին. պարզ ուղեցույց փոքր բիզնեսի սեփականատերերի համար
2025/08/31/ 09:00 -
Օգոստոսի 30-ի կարևոր լուրերը
2025/08/30/ 19:01 -
Ինչպես կարող են նոր սկսնակ բիզնեսները դուրս գալ միջազգային շուկա
2025/08/30/ 17:00 -
Ինչպես հաղթահարել ձանձրույթը աշխատանքի հանդեպ
2025/08/30/ 10:30 -
Տեխնոլոգիական ոլորտի կորուստները ազդում են ամերիկյան շուկայի վրա
2025/08/29/ 22:30 -
Լույս է տեսել Իլոն Մասկի կյանքի մասին վավերագրական ֆիլմը
2025/08/29/ 22:15 -
Օգոստոսի 29-ի բիզնես լուրերը
2025/08/29/ 22:00 -
ԱՄՆ-ում ապրանքային առևտրի դեֆիցիտը հուլիսին աճել է ավելի քան 22%-ով
2025/08/29/ 21:16 -
Ռուսաստանը բավարար ուժ չի ունենա ամբողջ Ուկրաինան գրավելու համար, իսկ ուկրաինացիները բավարար ուժ չեն ունենա բոլոր գրավված հողերը վերադարձնելու համար. Զելենսկի
2025/08/29/ 20:15 -
Պատրաստ ենք Հայաստանին առաջարկել մոդուլային ռեակտորներից մինչև խոշոր կայանի կառուցում. Զախարովա
2025/08/29/ 20:00
Բաժանորդագրվել

Փոխարժեք
Տեսանյութեր

ԿԱՐԵՎՈՐ ԼՈՒՐԵՐ․ ՕԳՈՍՏՈՍԻ 29, 2025Թ․

ՓՈՂ NEWS. ՕԳՈՍՏՈՍԻ 28, 2025Թ.

Պլաստիկից մաքրվել է Սևանա լճի 2 կմ երկարությամբ տարածք

1 ԱՅՑ՝ 30․000+ ԲՆԱԿԱՐԱՆԻ ԸՆՏՐՈՒԹՅՈՒՆ, ԱՐԻ՛ TOON EXPO

ՆԵՐՄՈՒԾՈՂԻՑ՝ ԽՈՇՈՐ ԱՐՏԱԴՐՈՂ. «ԷԼԵԿՏՐԻԿԱ ԳՌՈՒՊ»
