Օգոստոսի 12-ի բիզնես լուրերը

Տեղական

▪️ Նոր տուգանք վարորդական իրավունքի բացակայության դեպքում

ՀՀ օրենսդրական փոփոխություններով՝ առանց վարորդական իրավունքի տրանսպորտային միջոց վարելու դեպքում տուգանքը այսուհետ կազմում է 50 հազար դրամ։

▪️ Ծաղկի արտահանման արտոնագրերի մերժում

Սննդամթերքի անվտանգության տեսչական մարմնի տվյալներով՝ Հայաստանի 47 կազմակերպությունից 26-ը ՌԴ ծաղիկ արտահանելու արտոնագիր չի ստացել։

▪️ Կարտոֆիլի ներմուծում Վրաստանից

2025թ. առաջին վեց ամիսներին Հայաստանը Վրաստանից ներմուծել է 3.7 հազար տոննա կարտոֆիլ։

▪️ Հեռահաղորդակցության ոլորտի հասույթի աճ

ՀՀ վիճակագրական կոմիտեի տվյալներով՝ 2025թ. հունվար-հունիս ամիսներին հեռահաղորդակցության ոլորտում հասույթը կազմել է 82,872.1 մլն դրամ, ինչը 1.5%-ով ավելի է նախորդ տարվա համեմատ։

  • Ռադիոծրագրերի կազմման և հեռարձակման ոլորտում գրանցվել է 7.3% անկում (861.2 մլն դրամ)։
  • Հեռուստածրագրերի ոլորտում՝ 4.1% անկում (4,849 մլն դրամ)։
  • Հեռահաղորդակցության հիմնական հատվածում արձանագրվել է 2% աճ՝ հասույթը կազմելով 77,161.9 մլն դրամ։

Միջազգային

▪️ Թրամփը հետաձգել է մաքսատուրքերը

ԱՄՆ նախագահ Դոնալդ Թրամփը 90 օրով հետաձգել է Չինաստանից ներմուծվող ապրանքների վրա նախատեսված նոր մաքսատուրքերի կիրարկումը։

▪️ Իրանը կշարունակի ՄԱԳԱՏԷ-ի հետ խորհրդակցությունները

Իրանը հայտարարել է, որ կշարունակի խորհրդակցությունները ՄԱԳԱՏԷ-ի հետ։ Թեհրանում կայացած հանդիպման ժամանակ իրանական կողմը քննադատել է գործակալությանը՝ Իրանին իսրայելական և ամերիկյան հարվածներից հետո պարտավորությունները չկատարելու համար։

▪️ ԵՄ-ն պատրաստում է Ռուսաստանի դեմ պատժամիջոցների նոր փաթեթ

Եվրամիությունը պատրաստում է Ռուսաստանի դեմ 19-րդ պատժամիջոցների փաթեթը։

▪️ Իլոն Մասկը դատի է տալիս Apple-ին

Tesla-ի և SpaceX-ի հիմնադիր Իլոն Մասկը որոշել է դատական հայց ներկայացնել Apple-ի դեմ։

Հետաքրքիր

▪️ ԱՄՆ վիզայի հարցազրույցից ազատման նոր կանոններ

Հայաստանում ԱՄՆ դեսպանատան հաղորդմամբ՝ 2025թ. սեպտեմբերի 2-ից ուժի մեջ կմտնեն B-1, B-2 կամ B1/B2 տեսակի վիզայի հարցազրույցից ազատման ծրագրի նոր կանոնները։ Դիմում կարող են ներկայացնել այն անձինք, որոնց նախորդ վիզայի ժամկետը սպառվել է վերջին 12 ամսվա ընթացքում և որոնք նախորդ անգամ վիզան ստացել են առնվազն 18 տարեկանում։ 14 տարեկանից ցածր և 79 տարեկանից բարձր անձինք պետք է անձամբ ներկայանան հարցազրույցին։