Բրիտանական Bentley ընկերությունը պաշտոնապես ներկայացրել է ապրանքանիշի պատմության մեջ առաջին սերիական էլեկտրոմոբիլը՝ Torcal քրոսովերը։ Այն դարձել է ընկերության նոր ֆիրմային դիզայնի կրողը, որն օգտագործվելու է բոլոր ապագա մոդելներում՝ անկախ ուժային տեղակայանքի տեսակից։
Տեխնիկական հագեցվածությունը. 800 վոլտանոց ճարտարապետությամբ կառուցված ավտոմեքենան հագեցած է երկու էլեկտրաշարժիչով և շուկա է դուրս գալիս երկու տարբերակով․
Բազային: 821 ձիաուժ, 1194 Նմ պտտող մոմենտ, 0-100 կմ/ժ արագացումը՝ 3,4 վայրկյանում, առավելագույն արագությունը՝ 250 կմ/ժ։
Torcal S (թոփ-տարբերակ): Launch Control-ով հզորությունը հասնում է 888 ձիաուժի, պտտող մոմենտը՝ 1350 Նմ-ի, 0-100 կմ/ժ արագացումը՝ 2,9 վայրկյանում, առավելագույն արագությունը՝ 260 կմ/ժ։
Մարտկոցը և լիցքավորումը. 113 կՎտ/ժ տարողությամբ մարտկոցն ապահովում է մինչև 600 կմ ընթացքի պաշար (WLTP): 400 կՎտ հզորությամբ լիցքավորումը թույլ է տալիս 10-ից 80% լիցքավորվել 20 րոպեից էլ պակաս ժամանակում (7 րոպեում ավելացնում է 160 կմ ընթացք)։
Ընթացային մասը. Ակտիվ կախոց՝ ադապտիվ երկփականանի ամորտիզատորներով, լիովին կառավարվող ընթացամաս, իսկ որպես տարբերակ հասանելի են կարբոն-կերամիկական արգելակներ։
Էքստերիերն ու ինտերիերը. Մոտ 5 մետր երկարությամբ կրոսովերն ունի խոշոր, լուսավորվող ռադիատորի ճաղավանդակ և առանձնացված օպտիկա։ Սրահում օգտագործվել են մերիանոսի բուրդ, բնական կաշի, շպոն և ալյումին։ Տեղադրված են մերսման ու ավտոմատ կլիմայով նստատեղեր, իսկ երկրորդ շարքն ստացել է էլեկտրական ծալման ֆունկցիա։ Բեռնախցիկի ծավալը 460 լիտր է (+90 լիտր առջևում)։
Ինչու է դա կարևոր Torcal-ի թողարկմամբ Bentley-ն պաշտոնապես մտնում է էլեկտրական լյուքս-սեգմենտի շուկա։ Ընկերությունում նշել են, որ գիտակցաբար են հրաժարվել էլ ավելի էքստրեմալ դինամիկայից՝ առաջնահերթությունը տալով հաճախորդների հարմարավետությանը, ինչը ընդգծում է բրենդի հավատարմությունը իր ավանդական luxury փիլիսոփայությանը նույնիսկ էլեկտրական դարաշրջանում։
