Ավստրալիայի կառավարությունը 5 միլիոն ավստրալիական դոլար (շուրջ 3,2 միլիոն ԱՄՆ դոլար) կհատկացնի Կոնգոյի Դեմոկրատական Հանրապետությունում (ԿԴՀ) և Ուգանդայում Էբոլա տենդի բռնկման դեմ պայքարին աջակցելու համար։ Այս մասին ասված է Ավստրալիայի արտաքին գործերի նախարար Փենի Վոնգի պաշտոնական հայտարարության մեջ։
Ֆինանսավորման ուղղություններն ու նպատակը Հատկացված միջոցները կփոխանցվեն Առողջապահության համաշխարհային կազմակերպության (ԱՀԿ), ինչպես նաև Կարմիր խաչի և Կարմիր մահիկի ընկերությունների միջազգային ֆեդերացիայի միջոցով։ Ֆինանսական աջակցությունն ուղղվելու է դեղորայքի և բժշկական սարքավորումների մատակարարմանը, սանիտարական ծառայությունների ապահովմանը, հիվանդության տարածման մոնիթորինգին և տեղի առողջապահական համակարգերի հզորացմանը։
ԱԳ նախարարի փոխանցմամբ՝ ախտորոշման սահմանափակ հնարավորությունները ներկայում թույլ չեն տալիս լիարժեքորեն գնահատել վարակի տարածման իրական մասշտաբները։ Հայտարարության մեջ նաև նշվում է, որ Ավստրալիայի կառավարությունը կշարունակի ֆինանսավորել վիրուսի դեմ պատվաստանյութի մշակումը «Համաճարակներին պատրաստվածության ապահովման նորարարությունների կոալիցիայի» (CEPI) միջոցով։
Համաճարակաբանական իրավիճակը Սա ԿԴՀ-ում Էբոլայի արդեն 17-րդ բռնկումն է, որը մեկնարկել է 2026 թվականի մայիսի 15-ին։ Համաճարակի էպիկենտրոնը Իտուրի նահանգն է։
Կոնգոյի առողջապահության նախարարության պաշտոնական տվյալներով՝
Հիվանդությունից մահվան հաստատված դեպքերի թիվը հասել է 60-ի,
Վարակվածների պաշտոնական թիվը կազմում է 344 մարդ։
Էբոլայով վարակվածության դեպքեր են արձանագրվել նաև Իտուրիին սահմանակից Ուգանդայի տարածքում։
