ՀՀ կառավարությունը սեպտեմբերի 17-ի նիստում ընդունել է որոշում, որի համաձայն՝ աշխատանքային պայմանագրերը բացառապես թվային եղանակով կնքելը, փոփոխելն ու լուծելը կդառնա պարտադիր 2027 թվականի հուլիսի 1-ից:
Առանցքային ժամկետները.
Կամավոր փուլ. Մինչև 2027 թվականի հուլիսի 1-ը աշխատանքային պայմանագրերի թվային ձևաչափով կնքումը կրելու է կամավոր բնույթ:
Պարտադիր թվայնացում. 2027թ. հուլիսի 1-ից նոր պայմանագրերի կնքումը, փոփոխումն ու լուծումը կիրականացվեն բացառապես թվային եղանակով:
Գործող պայմանագրեր. Արդեն գործող աշխատանքային պայմանագրերը թվային տարբերակով վերակնքելու պարտադիր պահանջը հետաձգվել է մինչև 2028 թվականի հունիսի 30-ը:
